چەقە لۊ... کامەن و یانۍ چېش؟!
واچەکۍ جە دوۍ بەشا پېک ئامێنە:
چەق: زوانی هۆرامینە بە ماناو (لەڕ و لاواز) ی مێ، زیاتەر پەی گېیانەوەری درېژی پېسەو بنیاڎمی بەکار مێ، وەختێ چەق و کەم گۊشت بۊ، پەنەش وچیۊ: چەق.
وەلێم پەی ئاژەڵی نزمی وچیۊ: لەڕ.
لۊ: جۊرێوەن جە گیواوە کەشیەکا، ئاڵفەجاڕەی وېشەنە، کوېسانەکاوە جە فەسڵو وەهارینە چەنی کەمای و چنووری و... تاد، سەوز مەبۊ، شیرە دارا و بۊقیچش هەنە.
وچیۊ: (کابرا لۊی بەردەن) ، دمای کەندەی و کوایش بۊ بە ئاڵف پەی ئاژەڵی، وچیۊ: (کابرا لۊ کەنا) .
چوار جۊرېش هەن:
سیاولۊ و کەوەلۊ: لوتەو کەشەکاوە و کوېسانە بەرزەکاوە مزیۊ.
زەردەلۊ: تەمو کوېسانەکاوە و وەرکەمەرەکاوە سەوز بۊ.
چەقە لۊ: پایېنو سەختەکاوە و پادەشتەکانە سەوز بۊنە و درېژ و لۊق پېسەو بنیاڎەمی درېژ و چەقی ملۊ عاسمانەرە و پېسەو سیاولۊی و کەوەلۊی و زەردەلۊی مەڎۊ پېوەرە، پەل و پۊش نېیا و ئاژەڵدارەکۍ ناعیلاجۍ نەبا مەکەناش.
ڕاسەش و پاکەش ئانېنە، هەکە چەقە لۊ یۊن جە جۊرەکا لۊی و جەگردی زووتەر یاوۊنە و کەندەیش جە یەرە جۊرەکەی تەری گولتەرا، گېرە واردەیش پەی ئاژەڵیچ گۊلتەر بۊ.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (هەورامی) geschreven, klik op het pictogram
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dit item is 204 keer bekeken
Schrijf uw commentaar over dit item!