ئۊسا چېشما بۍ و ئیسە چېشما هەن.
ئۊسا کە سەرو باناوە وسېنمۍ و هەسارۍ شمارېنمۍ، دڵما بە دەرەتانوو ئاسمانی بۍ، وەلێم داخەکېم ئی زەمانە چەم بڕمۍ ئەو سرمەو (سەقفو یانەگولانەکەیماو ئەوگاریاما مژمارمۍ!).
ئۆسا تەلەفزیۆنێوە سېیاو و چەرمەما بۍ و دنیێوە ڕەنگینە، بەڵام ئیسە تەلەفزیۆنێوە گەورەی ڕەنگین و دنیێوە بووڵینە.
ئۆسا دوور ئیسەیە، ئەر تفاقما تەمامیێ، دەم و دەس کەرېنمۍ بەرە هامسارە و دماو وەشی و تشی، لاشاوە ئەوەجەما بە چېشی بیێ وازېنمېش، وەلێم ئیسە ئەر هامساما بە ڕېکۆت چەنی ئېمە بزیۊرە، وېما کەرمېوە یانەرە نەکای وەش و تشیش چەنی کەرمۍ!
ئۆسا پەی ویانا (بەهانا) گېڵېنمۍ هەتا کەس و کار و دۊس و ڕەفېقیما وینمۍ یام بەکاغەز و پېخام هەواڵشا پەرسمۍ، بەڵام ئیسە پی گردە دام و دەسگاو هەواڵ زانایۆ، هەواڵو هەنگەری (یۊترینی) نمەزانمۍ!
ئۆسا فرە چېوېما ناتەمامۍ بېنۍ، بەڵام وەشیما تەمام بۍ، وەلێم چی بەرەگانە فرەچېوېما تەمامۍ و وەشیما ناتەماما! هەرچی بۍ ۋېیەردوو کۊرنایشەو وەرموو خەیاڵێوەن.
بە واتەو مەولایم:
هەرگیز نمەیوە عەمری ۋېیەردە
مەحاڵەن ئامای دۊس بار کەردە.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (هەورامی) geschreven, klik op het pictogram
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dit item is 194 keer bekeken
Schrijf uw commentaar over dit item!