ئێوارەى #20-05-2023#ى سەرۆککۆمارى ئێراق دواى گەڕانەوەى لە #سلێمانی#یەوە بۆ #بەغدا# لەکاتى هاتنە خوارەوەى تووشى ڕووداوى کەوتن دەبێت و بەهۆیەوە ئازار بە دەموچاو و دەستى دەگات.
د. عەبدوللەتیف جەمال ڕەشید، سەرۆککۆمارى ئێراق، کە چەند ڕۆژێک لەمەوبەر بەسەردانێک گەڕایەوە سلێمانى بەمەبەستى بەشداریکردن لە کۆنفراسێکى تایبەت بە زمانى عەرەبى و دواتریش بەشداریکرد لە ڕێوڕەسمى خەڵاتى ساڵانەى ئیبراهیم ئەحمەد، بەڵام دواى گەڕانەوەى بۆ بەغدا لە کاتى هاتنە خوارەوەى لە فڕۆکە تووشى ڕووداوى کەوتن دەبێت.
سەرۆککۆمارى ئێراق لە ڕووداوى کەوتنەکەدا دەم و ددانى بریندار بووە و دەستێکیشى ئازارى پێگەیشتووە و شکاوە، دواتریش چارەسەرى پزیشکى وەرگرتووە.
عەبدوللەتیف جەمال ڕەشید، تەمەنى 79 ساڵ، ڕۆژى 13ی تشرینی یەکەمی 2022 بە سەرۆک کۆماری ئێراق هەڵبژێردرا.
لەنێوان ساڵانى 2003 - 2010، وەزیری سەرچاوە ئاوییەکانی ئێراق بووە. لەنێوان ساڵانى 2010 - 2018 ڕاوێژکاری پێشکەوتووی سەرۆک کۆماری ئێراق بووە و ئاوەڵزاواى مام جەلالیشە. [1]
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 536 keer bekeken
Schrijf uw commentaar over dit item!