=KTML_Bold=ڕوونکردنەوەیەک دەربارەی ئەو ئامارەی بڵاوکراوەتەوە سەبارەت بە کامێراکانی چاودێری خێرایی=KTML_End=
وەک بەرچاوڕوونییەک بۆ بەڕێزتان شەوی ڕابردوو ئامارێک بڵاوکراوەیەوە کە گوایە لە ماوەی (24) کاتژمێردا زیاتر لە (385.000) سێ سەد و هەشتا و پێنج هەزار سەرپێچی تۆمارکراوە، وەک تۆمارکردنی سەرپێچییەکان ئامارەکە درووستە بەڵام لە ماوەی (24) کاتژمێردا نییە بەڵکوو لە سەرەتای دەست بەکاربوونی کۆمپانیای جێبەجێکاری پڕۆژەکەوە بووە و بەشێوەی تێست بووە، وە هیچ کام لەو سەرپێچییانەی کە تۆمار کراون و دەکرێن لەلایەن کامێراکانی چاودێری خێرایی پۆینت تو پۆینت لە ڕێگای تاسڵووجە - دووکان هەژمار ناکرێت لەسەر هیچ شۆفێرێک (واتە وەک و سزای دارایی نە لەهیچ شۆفێرێک سەندراوەو وە نە دەسەندرێت) چوونکە لە قۆناغی تێستدایە تا ڕێکەوتی #29-05-2023# کە دەکاتە ڕۆژی دووشەممەی داهاتوو کاتژمێر 08:00 ی بەیانی هیچ سزایەک لەسەر هیچ شۆفێرێک هەژمار ناکرێت و لە دوای ئەم ڕێکەوتەوە دەچێتە بواری جێبەجێکردنەوە بە شێوەیەکی کرداری، وە ئەو شیکارییانەی لەهەندێک پەیج و ماڵپەڕ کراون دوورە لە ڕاستییەوە.
ئەو هەڵەیەی کە ڕوویداوە لە پێدانی زانیاری بووە لەلایەن فەرمانبەری بەشی ئاماری کۆمپانیای جێبەجێکاری کامێراکان. واتە ئاماری سەرپێچییەکان تەنیا لە ماوەی 24 کاتژمێردا نەبووە بەڵک و بە درێژایی تێستی کامێراکان بووە لە ساڵی پارەوە تا ئێستا و هەژمار نەکراوە لەسەر هیچ شۆفێرێک.
داواکارین لە شۆفێرانی بەڕێز پابەندی ئەو خێراییە بن کە بۆیان دیاریکراوە لەسەر شەقامەکان تا بە دووربن لە ڕووداوەکانی هاتوچۆ و سزا داراییەکان. [1]
بەڕێوەبەرایەتی هاتوچۆی پارێزگای سلێمانی
#23-05-2023#
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 475 keer bekeken
Schrijf uw commentaar over dit item!