ئەو کەسانەی نەخۆشی دڵیان هەیە و چەوری خوێنیان بەرزە، خۆیان لە کۆمەڵێک خواردن و خواردنەوە دەپارێزن، هێلکەش یەکێکە لەو خۆراکانەی لای ئەو کەسانە پرسیارە کە ئایا خواردنی تەندرووستە یان زیانی هەیە، دکتۆر ئیسرا کەمال شا محەمەد، پزیشکی گشتی و پسپۆری بواری قەڵەوی و لاوازی وەڵامی ئەو پرسیارەی داوەتەوە.
بە پێی توێژینەوەیەکی گەورە کە لە (American Journal Of Clinical Nutrition) دا بڵاوکراوەتەوە هیچ پەیوەندییەک لەنێوان خواردنی هێلکە و بەرزبوونەوەی چەوری خراپی خوێن و نەخۆشی دڵ نەدۆزراوەتەوە.
کەواتە ئەو کەسانەی کە کۆلیستڕۆڵی خراپی خوێنیشیان بەرزە یان نەخۆشی دڵیان هەیە دەتوانن هێلکە بخۆن بە ڕێژەیەکی مامناوەند (خواردنی یەک هێلکە ڕۆژانە بە زەردێنە و سپێنەشەوە) و هیچ کاریگەرییەکی نەرێنیان تێدا درووست ناکات.
بەڵام شێوازی لێنانی هێلکەکە و لەگەڵ چیدا دەخورێت کاریگەرییان دەبێت بۆ نموونە باشترە زیاتر بە کوڵاوی بخورێت یان ئەگەر سووربکرێتەوە لە زەیتێکی زۆر کەمدا و تێکەڵ نەکرێت لە گەل گۆشتە پرۆسێسکراوەکانی وەکوو سۆسج و سەلامی و باسترمە ئامادەکراوەکاندا، یان هێلکەکە باشترە لەگەڵ نان و سەمون و کولێرەی سپیدا نەخورێت، چونکە هەموو ئەمانە کاریگەریی نەرێنیان هەیە لەسەر چەوری خراپی خوێن و تووشبوون بە نەخۆشییەکانی دڵ.
باشترە هێلکەکە بە سەوزەیەکی زۆرەوە بخورێت و ئەگەر نانیش بەکاربێت لەگەڵیدا نانی تیری کە بە ئاردی بۆر یان جۆ درووستکرابێت. [1]
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 457 keer bekeken
Schrijf uw commentaar over dit item!