#سەرکۆ ئازاد گەڵاڵی#، لە چاوپێکەوتنێکیدا ڕایگەیاند، ئێمە لەگەڵ ئەوەداین هەڵبژاردن لە کاتی خۆیدا بکرێت، وتیشی، دەبێت یاسای هەڵبژاردن هەموار بکرێتەوە. سەرکۆ ئازاد گەڵاڵی ئەندامی پەڕڵەمانی کوردستان، لە چاوپێکەوتنێکیدا لەبارەی بارودۆخی پەڕڵەمان و پڕۆسەی دەنگدانەوە ڕایگەیاند، ئێمە وەکوو فراکسیۆنی یەکێتی لەگەڵ ئەوەداین هەڵبژاردن لە کاتی خۆیدا بکرێت و یاسای هەڵبژاردن دەبێت هەمواربکرێتەوە. ئەو ئەندام پەڕڵەمانەی یەکێتی لەبارەی ئەو گرژی و ئاڵۆزیەی ڕۆژانی پێشووی پەڕڵەمانەوە ڕوونیشیکردەوە، ئەوەی فراکسیۆنی یەکێتی ئەنجامیدا لەبەر شکۆی پەڕڵەمان بوو، وتیشی، ئێمە هۆڵی پەڕڵەمانمان جێنەهێشت و هیچ دەنگدانێک نەکراوە. ئاشکراشیکرد، پارتی لەسەر خۆسەپاندن بەردەوامە و سکرتێری پەڕڵەمان لە پەڕڵەمانتارێکی پارتی دڵسۆزترە بۆ ئەو حزبە، کە وەک ئەندامێکی لقی پارتی هەڵسوکەوت دەکات. سەرکۆ ئازاد گەڵاڵی جەختیشیکردەوە: هەڵوێستی #هێمن هەورامی# جێگری سەرۆکی پەڕڵەمان دژی قسەکانی #مەسعود بارزانی#یە. لەبارەی کورسی پێکهاتەکانەوە ئەو ئەندام پەڕڵەمانەی یەکێتی ڕاشیگەیاند، پێویستە پێکهاتەکان نوێنەرایەتی خۆیان بکەن. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 491 keer bekeken
Schrijf uw commentaar over dit item!