لە کۆبوونەوەکەدا کە لە دەباشان بەڕێوەچوو، هەریەک لە جەلال شێخ ناجی، سەرۆکی ئاژانسی پاراستن و زانیاری/زانیاری و هیوا ئەحمەد، سەرۆکی دەزگای ئاساییشی هەرێم و لیوا ڕوکن بەختیار محەمەد، ئەمینداری #وەزارەتی پێشمەرگە# و #وەهاب هەڵەبجەیی#، بەڕێوەبەری گشتیی دژەتیرۆر و سەرخێڵ کەمال، بەڕێوەبەری ئۆپەراسیۆنەکانی دەزگای ئاساییش و پۆلۆ شاڵاو عەلی سەربازی، لێپرسراوی هەواڵگریی پێشمەرگە و دیار عومەر، جێگری فەرماندەی فەرماندەیی کۆماندۆی کوردستان ئامادەبوون، دوایین گۆڕانکارییە ئەمنییەکان و هەماهەنگییە سەربازی و هەواڵگرییەکانی نێوان هەرێم و ئێراق گفتوگۆی لەبارەوەکرا و جەخت لە یەکخستنی هەوڵەکان کرایەوە لەپێناو پاراستنی سەقامگیریی هەرێم و ژیانی هاووڵاتییان. #بافڵ تاڵەبانی# لەبارەی ئەرک و بەرپرسیارییەتیی هێزە ئەمنییەکان ئامادەبووانی بەرچاوڕوونکرد و ڕایگەیاند، دەبێت لە هەموو قۆناغەکاندا ئەرکی لە پێشینە و بەرپرسیارییەتی سەرەکیتان پاراستنی ژیانی خەڵک و چەسپاندنی یاسا بێت. نابێت بەهیچ شێوەیەک بوار بۆ پێشێلکاری و یاساشکێنی بهێڵنەوە و بەتوندترین شێوە ڕووبەڕووی ببنەوە. دڵنیام بە پاڵپشتی و هاوکاریی هەموومان دەتوانین لە ئاست ئەو بەرپرسیارییەتییە نیشتمانییەدا بین و مێژوویەکی درەوشاوە بۆ هێزەکانمان تۆمار بکەین وەک ئەوەی هەمیشە کردوومانە. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 573 keer bekeken
Schrijf uw commentaar over dit item!