گۆشتفرۆشێک، باس لە فرۆشتنی دڵی بەرخ دەکات، کە خەڵکێک بە مەبەستی جادوو دەیکڕن، لەبەرانبەردا ئەوان بەرلەوەی دڵی بەرخەکە بفرۆشن، بە چەقۆ پارچەیەکی دەبڕن، یان لە ناوەڕاستەوە هەڵیدەدڕن، بۆیە زۆرجار کڕیارەکە ئەگەر بۆ مەبەستی کاری جادوویی بێت، نایکڕێت و نایەوێت و دەڕوات.
سامی سەباح، گۆشتفرۆشێکی بازاڕی شێخەڵڵای #هەولێر#، ئاماژەی بەوە کرد، کە دڵی ئاژەڵی بچووک، بە تایبەت بەرخ، وەک بیستوومانە، زۆر کەس بە مەبەستی کاری نووشتە و جادوو دەیکڕن، ”بۆیە ئێمە دوای کێشانی دڵی ئاژەڵەکە، چەقۆیەکی لێ دەدەین و هەڵیدەدڕین“.
ئەو گۆشتفرۆشە نایشارێتەوە، کە زۆرجار دوای چەقۆ پێداهێنان بە دڵی ئاژەڵەکە، کڕیار نەیبردووە و دەڵێت: ”زۆرجار کەسی وا هەبووە گوتوویەتی چەقۆی لێ مەدە و من ئاوا دەیبەم، پێمان نەفرۆشتووە، پێم گوتووە، من بۆ سحر و نووشتە نایفرۆشم، ئەویش بەخێرایی ڕۆیشتووە و هەر ئاوڕی نەداوەتەوە“.
وا باوە، کە نووشتە و جادوو، دوو جۆری هەیە، بۆ خۆشەویستی و بەیەکگەیاندن، یاخود بۆ لێککردنی دوو کەس، کە بە (تەفرەقە) لەناو خەڵک ناوی دەرکردووە، بەڵام بەگوێرەی قسەکانی سامی بێت، وەک گوێی لێ بووە، دڵی بەرخ بۆ مەبەستی ”خۆشەویستی و بەیەکگەیاندن بەکار دەهێنرێت.“
سامی سەباحی گۆشتفرۆش ئەوەش ڕوون دەکاتەوە، کە تەنیا دڵی ئاژەڵی بچووک بۆ ئەم کارە بەکار دەهێنرێت، جگە لە دڵەکەیشی، ئێسکی پەلی بەرخ و مەڕ، هەروەها قۆچی ئاژەڵ بەکار دەهێنرێن. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 515 keer bekeken
Schrijf uw commentaar over dit item!