ناونیشانی بابەت: دیوارەکانى قشڵەى کۆیە نۆژەن دەکرێنەوە
ئامادەکردنی: #هەڵمەت بتوێنی#
بەڕێوەبەرى فەرمانگەى شوێنەوارى #کۆیە# ڕایدەگەیەنێ، کە لەسەر بودجەى حکوومەتى هەرێمى کوردستان، دیوارەکانى قشڵەى کۆیە نۆژەن دەکرێنەوە.
یەکێتى واحید، بەڕێوەبەرى فەرمانگەى شوێنەوارى کۆیە بە (باسکورد)ى ڕاگەیاند: پڕۆژەی نۆژەنکردنەوەی قشڵەی کۆیە لە چەند بڕگەیەک پێکدێت، کە بە بڕى 76 ملیۆن دینار لەسەر بودجەى حکوومەتى هەرێمى کوردستان جێبەجێ دەکرێت.
گوتیشى: پڕۆژەکە بریتییە لە نۆژەنکردنەوەى دیوارەکانى حەوشى قشڵە لە سێ لاوە، هاوکات درووستکردنى ئاوەڕۆ بۆ ناو قشڵە و دانانى ڕووناکی و کامێراى چاودێرى بۆ قشڵەکە. باسى لەوەش کرد: بۆ هەموو ئەو کارانە کەلوپەل و پێداویستی و وەستاى تایبەت دابین کراوە و بڕیارە لە دوو مانگى داهاتوودا کارەکان تەواو بکرێن، بەوەش قشڵەى کۆیە لە مەترسیى تێکچوون و داڕمان دەپارێزرێت.
قشڵەى کۆیە لە سەردەمی والیی عوسمانی، مەدحەت پاشا (1869- 1872ز) لەلایەن فەرمانڕەوای بەغدا درووستکراوە، کە پێشووتر بە مەبەستی سەربازی سوودى لێ وەرگێڕاوە و پێکهاتووە هاتووە لە شوورەیەکی بەرز و چوار قوللە و چەند ژوور و هۆڵێک لەناوەوە.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 896 keer bekeken
Schrijf uw commentaar over dit item!