پەرتووکخانەی ژنانی کورد کرایەوە کە هەزاران سەرچاوە لە خۆدەگرێت
#25-06-2023#
ئەمڕۆ بۆ یەکەمین جار لە باشووری کوردستان ناوەندی “ئەرشیف وتوێژینەوە و پەرتووکخانەی ژنی کورد” کرایەوە، ناوەندەکە هەزاران پەرتووک و سەرچاوەی نووسەرانی ژن لەخۆ دەگرێت.
ئەمڕۆ لە شاری سلێمانی بە ئامادەبوونی ژمارەیەکی بەرچاو لە ژنان، ناوەندی “ئەرشیف و توێژینەوە و پەرتووکخانەی ژنی کورد” کرایەوە، ناوەندەکە پڕۆژەی هاوبەشی نێوان ئەکادیمیای ژنۆلۆژیی و یەکێتی ژنانی کوردستانە، بۆ ئەرشیفکردنی نووسین وهەر کەرەستەیەکی مێژووی و هەنووکەیی ژنانی کورد، کە لە ئێستادا زیاتر لە 1800 سەرچاوە و پەڕتووکی نووسەرانی ژنی تێدایە لە سەرجەم بوارە جیاوازەکاندا.
لە مەراسیمی کردنەوەی ناوەندەکەدا چەندین نووسەر و چالاکوان و پارێزەری مافەکانی ژنان و چەندان کەسایەتی دیکەی هەر چوار بەشی کوردستان و وڵاتانی دیکە ئامادەییان هەبوو، بەشێک لەو ئامادەبووانە پەیامی پیرۆزبایی خۆیان ئاڕاستەکرد، چەند پەرتووک و نیگار و کارێکی دەستییان پێشکەش بە ناوەندەکە کرد و بە پڕۆژەیەکی زۆر گرنگ و خزمەتێکی گەورە بە ژنانی کورد، ناویانهێنا.
ناوەندەکە پڕۆژەیەکی هاوبەشی نێوان ئەکادیمیای ژنۆلۆژی و یەکێتی ژنانی کوردستانە، کە نزیکەی سێ ساڵ بوو کار بۆ کردنەوەی دەکرا، دوای تەواوبوونی ئامادەکارییەکانی ئەمڕۆ بەتەواوی کرایەوە و لە ئێستاوە ژنان دەتوانن سەردانی بکەن.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 631 keer bekeken
Schrijf uw commentaar over dit item!