ناونیشانی بابەت: وێنەکانی بەرگریی هێزی پێشمەرگەی کوردستان لە ئەمریکا نماییش دەکرێت
ئامادەکردنی: ئاریان تەحسین
بەشێک لە کارە هونەرییەکانی هونەرمەندی فوتۆگرافەری کورد یونس مەحەمەد لە ئەمریکا نماییش دەکرێت.
لەبارەیەوە یونس مەحەمەد، بە میدیاکانی ڕاگەیاندووە: لەم ڕۆژانە تۆڕێکی پێشانگەی تایبەتی وێنەییم دەبێت لە وڵاتی ئەمریکا بە هەوڵ و ماندووبوونێکی زۆری هاوڕێیانم لە ڕێکخراوی ڕۆحی ئەمریکا و نوێنەرایەتی #حکوومەتی هەرێمی کوردستان# لە ئەمریکا ئەنجام دەدرێت.
ئەم هونەرمەندە کوردە ڕاشیگەیاندووە لە وێنەکانی ئەم پێشانگایە لە سێ بەشی جیاواز پێکدێت:
بەشی یەکەم، باسی شەڕی داعش و بەرگری هێزی پێشمەرگەی کوردستان و قوربانیدانیان دەکات لەپێناو خاکی پیرۆزی کوردستان دەکات.
بەشی دووەم، باسی ژیان و ناساندنی کورد و کوردستان دەکات.
بەشی سێیەم، باسی ژیان و بارودۆخی پێشمەرگە بریندارەکانی شەری دژ بە داعش دەکات.
سەبارەت بە شوێنەکانی نمایشکردنی کارە هونەرییەکانیشی یونس ئەوەی خستووەتە ڕوو: یەکەم پێشانگەم لە شاری نەشڤیل دەبێت کە ناسراوە بە کوردستانی بچووک و نیشتمانییەکی زۆری کورد نیشتەجێی ئەم شارەن و مایەی شانازییە کارەکانم لە نزیکەوە دەکەوێتە بەرچاویان، دووم پێشانگەم لە کۆنگرێسی ئەمریکا و لە شاری واشنتۆن دەبێت و زۆر خۆشحاڵم بەوەی بۆ جاری دووەم وێنەکانم لەناو کۆنگرێسی ئەمریکا و بۆ کەسانی تایبەت پیشان دەدرێت و هەروەها سێیەم پێشانگەشم هەر لە شاری واشنتۆن و لە باڵەخانەی نوێنەرایەتی حکوومەتی هەرێمی کوردستان دەبێت کە هەڵبەت چەندین جاری تریش وێنەکانم لەوێ پیشاندراوە و مایەی شانازییە.
ڕاشیگەیاند: دیسانەوە سوپاسی هەموو ئەو کەسانە دەکەم کە لەپێناو ڕێکخستنی ئەم پێشانگایانە ماندووبوون و هاوکارییان کردووم، هیوادارم ئەم کارە جێگەی ڕەزامەندی هەموو لایەک بە تایبەت پێشمەرگە بریندارەکانی شەرڕی دژ بە داعش بێت کە مایەی سەربەرزی هەموو کوردستانن.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 444 keer bekeken
Schrijf uw commentaar over dit item!