بە مەبەستی سوپاسکردنی #یانەی وەرزشی پێشمەرگەی سلێمانی# لە پایی ئەو هاوکارییە بەردەوامانەیان کە پێشکەش بە یەکێتی بالەی ئێراقی دەکەن ، ڕۆژی شەممە #13-05-2023# ، بەڕێز جەمیل عەبادی سەرۆکی یەکێتی ناوەندی بالەی ئێراق سەردانی یانەی وەرزشی پێشمەرگەی کردوو لەلایەن بەڕێزان، #شێخ جەعفەر شێخ مستەفا# سەرۆکی یانە و حاکم #مەحمود ئەحمەد موراد# جێگری سەرۆک ، پێشوازی لێکرا .
لە و میواندارییەدا و سەرەتا سەرۆکی یانەی وەرزشی پێشمەرگە بەخێرهێنانی لە سەرۆکی یەکێتی بالەی ئێراق کرد بۆ شاری سلێمانی و خۆشحاڵی خۆی پیشاندا کە ، یەکێتی بالەی ئێراق لە ئێستادا کاری جیاواز دەکات و کاری لە پێشینەیان بەهێزترکردنی هەڵبژاردەکانی ئێراقە لەسەر ئاستە جیاوازەکان و بە گرنگی زانی ئەو یارییە کە جەماوەرێکی بەرچاوی هەیە لەلایەن یەکێتییەکەیانەوە گرنگی بەرچاوی پێبدرێت .
ئەمە و شێخ جەعفەر شێخ مستەفا هەموو هاوکارییەکی یانەی بۆ دووپات کردنەوە و هیوایی خواست کە ئامادەکاری هەڵبژاردەی خانمانی ئێراق بۆ دەست کەوت و سەرکەوتنەکان بێت لەپاڵەوانێتییە دەرەکییەکان .
دواتر جەمیل عەبادی سەرۆکی یەکێتی بالەی ئێراق بەگەرمی سوپاسی سەرۆکی یانەی وەرزشی پێشمەرگە و حاکم مەحمودی جێگری کرد کە ئەو پاڵپشتییە بەرچاوەی یەکێتییەکەیان و یارییەکە دەکەن چ وەک تیمی خۆیان لە یانەی وەرزشی پێشمەرگە چ وەک هەڵبژاردەکانی ئێراق کە لە شاری سلێمانی و لە کاتی ئامادەکارییەکانیاندا دەرگای یانەکەیان واڵا بووە و تەواوی هاوکاریان کردوون .
ناوبراو ئاماژەی بەوەشکرد کە لە ئێستادا کەمپێکی چڕی مەشقیان لە هۆڵی یانەی پێشمەرگە دەست پێکردەوە ئەوەش بۆ بەشداری هەڵبژاردەی خانمانی ئێراقە لەپاڵەوانێتی یارییە جۆراوجۆرەکان کە تایبەتە بە وڵاتی عەرەبی و لە وڵاتی جەزائیر یارییەکانی بەڕێوە دەچێت .
لە کۆتایش هەردوولا جەختیان کردەوە کە پێکەوە کاری لەپێشینەیان برەودان و بەرەوپێشچوونی یاری بالە و خزمەتکردنی یاریزانانی ئەو یارییەبێت تا لە وڵاتدا ئاستی تیمەکان و یاریزانان بەرەو پێشبچێت.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 495 keer bekeken
Schrijf uw commentaar over dit item!