ۋەرۋە بیێ حەفتێ نەتاویېوە
ئیدیۆمێن، پەی کەسێ هەیکەل و زلی بۍ غیرەتی بەکارمێ. بڕێ خەڵکۍ هەنۍ چەنی ئانەیە هەیکەلۍ و کەتېنۍ، بەڵام غیرەتشا کەما، تەرسەزاڵېنۍ. وەختێ توشوو گرفتێ مەیان تەواناو وەرگیریشا نېیەنە، پەنا گېران بە خەڵکا تەری، تەواناو پەلاماردای و هەڵمەتېشا نېیەنە.
مەبەس ئانەن، پا زلی و کەتەیی وېشا گەر غیرەتشا بۊ، دە نەفەرۍ دەرەقەتشا نمەیا، بەڵام هەر زلۍ بۍ هونەرېنۍ.
بڕێ کەسۍ تەرۍ هەنۍ یانەنە دەسەڵاتشا نېیەن، ملکەچۍ ژەنەکاشانۍ، وەردەمو ژەنەکاشانە ملشا جە مووی باریکتەرا، پەوکەی خەڵک بە تالېقۆ پەنەشا ماچۊ: چن بۍ غیرەتا، گەر ۋەرۋە بیێ، حەفتێ نەتاویېوە.[1]
Dit item werd in het (هەورامی) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dit item is 700 keer bekeken
Schrijf uw commentaar over dit item!