ئەندامانى مەکتەبى سیاسى #یەکێتیی نیشتمانیی کوردستان# پێیانوایە قسەکانى ئەندامێکى کۆمیتەى ناوەندى #پارتى دیموکراتى کوردستان# بە پلان و بەرنامە کراوە و ناوبراو لەلایەن باڵێکى نێو پارتى ئاڕاستە کراوە.
ڕۆژى یەکشەممە، 9ى تەمموزى 2023، لەکاتى ئەنجامدانى کۆبوونەوەى هەردوو مەکتەبى سیاسى پارتى و یەکێتیى لە سەڵاحەدین، سالار عوسمان، ئەندامى کۆمیتەى ناوەندى پارتى دیموکراتى کوردستان لە چاوپێکەوتنێکدا هێرشى کردە سەر یەکێتیى و ڕاستەوخۆش دواى کۆبوونەوەکە #بافڵ تاڵەبانى#، سەرۆکى یەکێتیى نیشتمانى کوردستان بە توڕەییەوە وەڵامى ناوبراوى دایەوە..
بەبۆچوونى سەرۆکى یەکێتیى نیشتمانى کوردستان و ئەندامانى مەکتەبى سیاسى ئەو حزبە پێیانوایە، قسەکانى ئەو ئەندامەى سەرکردایەتى پارتى بە پلان بووە و ناوبراو ئاڕاستە کراوە لەلایەن باڵى #مەسرور بارزانى#.
یەکێتیى نیشتمانى کوردستان پێیانوایە لە ماوەى دوو ساڵى ڕابردوودا ئەوە یەکەم جار نییە هەوڵی تێکدانى پەیوەندییەکانى پارتى و یەکێتیى دەدرێت و پێشتریش بافڵ تاڵەبانى و #قوباد تاڵەبانى# سەرۆکى پارتى دیموکراتى کوردستانیان لەسەر ئەو پرسە ئاگادارکردۆتەوە. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 347 keer bekeken
Schrijf uw commentaar over dit item!