هەتا داری لە گووی وەردەی هەر بۆنی لێدێ
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (هەتا داری لە گووی وەردەی هەر بۆنی لێدێ) ، پیسایی و پاشەڕۆی هەموو گیانداران بەمرۆڤیشەوە جگە لەپیسیەکەی بۆنیشی زۆر ناخۆشە، هەموو کارێکی بەد و خراپ و ناجۆر و ناشەرعی و نزیکە فیتنە و ئاشوب وەکوو ئەو پاشەڕۆیەی حیسابی بۆ کراوە، زۆرجاران کە ویستراوە لەسەر هەندێک لەکارەکان قسەوباس بخرێتە ڕوو قسە قسەی ڕاکێشاوە و بابەتەکان بۆ ئاقار و لایەنی دژوار و خراپدا ڕۆیشتوون و بۆیە ئەوانەی شارەزا و بەتەمەنن و ئەزمووندارن بە ڕێنوێنی و ئامۆژگارییەوە وتویانە واز لەو بابەتەی بێنن چونکە خراپتری لەدوا دێت بۆیە بە و ئیدیۆمە پڕ گوزارشتییە فەرموویانە: هەتا داری لە گووی وەردەی هەر بۆنی لێدێ. [1]
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 75 keer bekeken