نە پیاوی بە فیز، نە توتنێ جێی میز، نەکیژی داک حیز
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (نە پیاوی بە فیز، نە توتنێ جێی میز، نەکیژی داک حیز) ، ئەو ئیدیۆمانەی لە ئەزموونی ژیان و ڕۆژگاردا هاتونەتە کایەوە یەکجار زۆرن، ئەو پیاوەی زۆر خۆی پێ گرنگ بێت فیز و لاف و گەزافی هەبێت تاقیکراوەتەوە ڕەسەن و جسن نییە و پووشکەکی ناهێنێت، ئەو بەرووبومە کشتوکاڵییەی کە پێویستی بە زەوی زۆر بەپیت و میز و یۆریا و پەیین نەبێت، لە شوێنی بەمیز بکرێت بەرهەمەکەی سەرکەوتوو نابێت، ئەو کچ و کیژانەی کە دایکیان پەروەردەیەکی کۆمەڵایەتیانەی جوانی نەبێت و ژنی بەئالوش و بەدڕەوشت و حیز بن، کچەکانیان خووڕەوشتی ئەوان وەردەگرن و بۆ خواستن و هاوسەرگیری دەست نادەن، بۆ ناپەسەندی هەرسێ حاڵەت لە خۆشناوەتیدا بۆ ناساندن و خۆ لێ دوور کەوتنەوە وتراوە: نە پیاوی بە فیز، نە توتنێ جێی میز، نەکیژی داک حیز. [1]
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 126 keer bekeken
Schrijf uw commentaar over dit item!