کاردی بەساردی، خەوێ لبادی، ئاوێ بەبادی، سێبەرێ کەپکی
لە ناوچەی خۆشناوەتیدا چەندین ئیدیۆمیان بەبن زاریدا هاتووە کە زۆر شیرین و پڕ گوزارشت و ئەزموونن وەکوو: (کاردی بەساردی، خەوێ لبادی، ئاوێ بەبادی، سێبەرێ کەپکی) ، کاردو یان کاردی گژوگیایەکی بەهارییە لە هەرد و کێوان دەڕوێت و مرۆڤ دەچێتە دەشتێ بۆکردنی (چوونە کاردییان) ، بە ڕەشکردن و گەنمەوە دەکرێتە چێشتی کاردی، ئینجا واباوە هەندێک ساردبێتەوە دوای داگرتنی لەسەر ئاگر لەزەت و تامی زۆرتر لێ دەکرێت، لبادیش کە لوا و خوری بەرخ و مەڕان درووست دەکرێت: خەو لەسەری زۆر خۆشە، ئاو خواردنەوەش بە دەوری و قاپی (بادی - فافۆن) زۆر خۆشە بەگاڵتەوە دەوتراش: ئەلە و ئەلە و تەلەفۆن، تێر ئاو ناخۆم بە فافۆن) ، سێبەری کەپکە شاخیش سێبەرێکی زۆر تیر و تۆخ و پڕە بەتەواوەتی دەبێتە ڕێگر لە گەیاندنی تیشکی خۆر وەکوو سێبەری داربی و پەرک و تووان نییە، هەموو ئەمانە بەهۆی ئەزموونەوە سەلمێنراوە لە خۆشناوەتیدا بۆیە وتویانە: کاردی بەساردی، خەوێ لبادی، ئاوێ بەبادی، سێبەرێ کەپکی.[1]
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 24 keer bekeken