دەستووری خودێ
زێناره ، زێناره
بدەی هەزار دەستێت شیلانێ
هەزار حدودی عەسیل ژ مەیدانێ
هەمویێ بکێشیه بەر دەرێ دیوانێ
بۆ مێری فایده ناکەت غێر سەری ل ئیمانێ .
* * *
بدەی هەزار مهی زەری
هەزار حدودی ژ بەری
هەمویێ بکێشیه بەر دەری
بۆ مێری فایده ناکەت غێر ئیمانه ل سەری .
* * *
زۆر کەفتنه بەحرا طاری
ئه و د مژولن ب وی مراری
بەلێ ئه و ژ ڤێ دنێ چۆن ، بۆ خۆ فەرزەکه حەقیێ نه بژاری .
* * *
ئەڤ دنیایه بەحرەکه طاریه ، مالێ دنیایێ ژی وەکی گۆشتێ مەرارە هەکه مرۆڤ ل پێ مالێ دنیایێ مالێ حەرام بگەرێت ، دێ پۆشمانی و جهەکی بۆ خۆ ل دنیایا دی ل ئاخرەتێ چێناکەت :
*
ئه و مەراره ئی ب خونه
گەلی برا ! ژێک مەگرن کەرب و کینه
ئەڤ فێنیەکە دەرەوینه .
* * *
سەرا وی مەراری ژێک مەگرن صاری
ئەڤ دنیایه خۆشه ب موحبەت ، ب برانی ، ب یاری .
* * *
گەلی جوامێرا ! ئەڤ دنیایه بەحرەکه تاریه ، مالێ دنیایێ ئی مەراره ، ئەم هەمو وێ بڤی مالیڤە مژول بووین . حاشا هندەک کەس بسەردا برن ، هندەک ب دەرەوا ، هندەک ب دزیا ، هندەک ب سوندا ، هندەک ب بێ بەختیا و نەبووا ، حەقیێ رێیا خودێ بە ئێمانەتی وه حەقیێ ژ بیرنەکەن . ئەم مژولین ب دنیایا خۆڤە ، ب مالداریا خۆ ڤه و تشتی دی نا ئێته بیرا مه لهیره د بێژیت :
*
بەنی ئادەمۆ ! ل دنێ مه بن طەما
زێر و مال مەکەن جەما
ئەڤ دنیایه بو پیخەمبەرێت خودێ نەما .
* * *
دەستا ژ تەریقەتێ بەر نەده ن
مەلک شێخ سن پێشیمامی خو کەن
عەیدل بەیزا قوبلەت کەن
* * *
قوبلەتا مه عەین ل بەیزا
ئەوه مەکانێ پەدشێ من سلتان ئێزی ب خۆ وێ تێ دا
* * *
هەی کۆرۆ یێ چاڤ سپیە !
ته هاژ خەرقێ سلتان شیخادی نییه
تو چما دبێژی خەرقێ شیخادی چەنگەک زەرگوزه و لەپەک هری !؟
* * *
هەی کۆرۆ ! ئی کۆرۆ
تو نزانی زەرگوز مۆره
دەرەجا خەرقێ شیخادی دەرەجەکه ل ژۆره
ئه و لبسێ ئێزدێ منێ سۆرە .
ئێزدیا هن ترسا خودێ د دلێ وان دا هەیه : علم دبێژت ؛
*
هەکه مۆمنەک ب بینی ، عیبادەت که
هەکه عەردەک ب بینی ، عەشارەت که
هەکه دارەک ب بینی ، زیارەت که
* * *
سەدەقا مه خۆش سەکانه
رێیا مه خۆش ئەرکانه
بەرێ معریفەتا مه خۆش نیشانه
* * *
سەد خۆزیا منە ب وی مێری
ئێ پەدشایی خوندیە دێری
بە لێ ئاڤرانەکێ بۆ خۆ ل ئاشێ محبەتێ بهێری
* * *
ئەو بوو ئاشێ محبەتێ
به رێ وێ ژ حەقیقەتێ
ئاڤا وی یە ژ معریفەتێ
* * *
ئەو بوو ئاشێ هۆستا جەبار
تێ هەینه خەلکی ئەهل یل قریار
ئه و چو جارا گەهێ نا دەنه مرۆڤێ خوار
* * *
مەعنیا وی ئاشی یه مەزنه
قەراشێ وێ مۆمنه
بەلێ چی گاڤا ئەز بچم ، هەر گەها منه .
* * *
مرۆڤێ خودان ئیمان ، خودان ئەرکان ، چی گافا چۆ دیوانێت وان خاسا رێ بۆرا یا ڤەکرییه . ڤێجا ، سەد خوزیا وی مرۆڤێ ئاگەهداری ئیمانا خۆ بت ، ئاگەﮪ ژ رێیا خۆ هەبت ، ئاگەﮪ ژ تەریقەتا خۆ هەبت دا خودێ مەزن ل ڤێ دنیایێ ژێ رازی بیت و ل ئاخرەتێ ژی ژێ رازی بیت .
ئەم د کێمن و خودێ ی تەمامە.[1]