=KTML_Bold=پارتی کۆتایی بە سیستەمی پەنجا بە پەنجا هێنا
هاوپەیمانان دەتوانن کۆبوونەوە بە تیمی یەکێتی و پارتی بکەن؟=KTML_End=
کێشەکانی #یەکێتیی نیشتمانیی کوردستان# و #پارتی دیموکراتی کوردستان#، لە #وەزارەتی پێشمەرگە# گەیشتووەتە بنبەست و کێشە بۆ درووستکردنی لیوا هاوبەشەکان درووست بووە. لە ئێستادا ڕێکەوتی #18-07-2023# پڕۆسەی یەکخستنەوە وەستاوە.
دوو بابەتی جیاواز کێشەی نێوان یەکێتی و پارتی گەیاندووەتە بنبەست لە وەزارەتی پێشمەرگە. کە یەکەمیان فەرمانێکی وزاری وەزارەتی پێشمەرگەیە کە لە ڕێکەوتی #11-06-2023# ئاماژە بە کۆبوونەوەیەکی هاوبەشی دیوانی سەرۆکایەتی هەرێم و تیمێکی وەزارەتی پێشمەرگە کراوە و بڕیار دراوە کار بە سیستەمی پەنجا بە پەنجا نەکرێت.
تیمی پارتی لە وەزارەت سیستەمەکەیان گۆڕیوە بۆ 43 بە 57 و داوا دەکەن هەر هێزێک یەکبخرێتەوە لە ئێستا بەدواوە پەیڕەوی ڕێژەی 57 لە سەد بۆ هێزەکانی پارتی و 43 لە سەد بۆ هێزی یەکێتی بکرێت. ئەمەش ناڕەزای توندی یەکێتی لێکەوتووەتەوە و فەرماندەی هێزەکانی 70 ئامادەنین هیچ هێزێک یەکبخەن ئەگەر ڕێژەی یەکێتی لە نیوە کەمتر بێت.
دووەمین کێشەی نێوان پارتی و یەکێتی لە وەزارەتی پێشمەرگە، بەرزنەکردنەوەی پلەی سەربازی بەرپرسانی یەکێتی و جیاکردنەوەیانە لە ئەفسەرانی تر. ئەمەش نیگەرانی یەکێتی لێکەوتووەتەوە بە تایبەت لە ماوەی ڕابردوو بەهۆی ڤیتۆی سەرۆکی حکومەت پلەی هەریەک لە ئەمینداری وەزارەتی پێشمەرگە و فەرماندەیی هێزەکانی پشتیووانی دوو بەرزنەکرایەوە.
دوای نیگەرانیەکانی یەکێتی و وەستاندنی پڕۆسەی یەکخستنی پێشمەرگە و گەیاندنی کێشەکان لەلایەن یەکێتییەوە بە هاوپەیمانان. بڕیارە لە کۆتایی ئەم هەفتەیە هاوپەیمانان کۆبوونەوەیەکی گرنگ لەنێوان تیمی یەکێتی و پارتی بە ئامادەبوونی هاوپەیمانان سازبکەن. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 457 keer bekeken
Schrijf uw commentaar over dit item!