تۊبەو ۋەرگی مەرگەن
بڕێ کەسۍ کە خڎۍ مەگېران بە هەرمانێوە ئیتر بە زەحمەت وازش چەنە ماران، گەر دزی بۊن، یان بەڎ ڕەفتاری بۊن، دەم پیسی بۊن. ئا جۊرە خەڵکۍ ئا ڕەفتارە ناشیرېنۍ لوێنۍ دلۍ ۋنېشا، پېسە وەڵینا واتەن چەنی شۊتی واردېنېشاوە،
هەرچن خەڵکە عالەکۍ هۆڵۍ مڎان پەی خاس سازیشان، مۊچیاریشان کەران کە وازباران چا ڕەفتارە بەڎا، ڕەنگە پەی وەختێ کەمی دورۍ بگناوە، بەڵام هەر دەرەتانشا پەی لېویا، ئیتر پېسە واتەنشا نە ۋارانشا دېیەن، نە وەشت، ملاوە سەرو خڎەکۍ وېشان، دەسکەراوە بە هەرمانە بەڎەکاشان.
ئیدیۆمەکۍ ئا کەساچە مەگېرۊوە هەکە ئینێ پلێوە باڵاو دەسەڵاتینە، زوڵم کەران، کۊشتە و بڕیەی کەران، هەرچن خەڵک
داواشان وەنە کەرۊن هیچ فاییڎەش نېیەن، تەنیا چارەو ئا جۊرە کەسا مەرگەن.[1]
Dit item werd in het (هەورامی) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dit item is 672 keer bekeken
Schrijf uw commentaar over dit item!