دار کە لار بی، سەیەکېچش لارەنە
پەندێ زەریفەو پەڕ مانێنە، چوونکوم سەی (سایە) هینەو دارەکەینە، گەر دار لار بی، حەتمەن سەیەکېچش لارەنە. ئینە بېیەن وېنێوە پەی کەسیبیە و ڕەفتارو بڕێ کەسا هەکە هەرمانۍ لارۍ مەکەران، ڕەفتارېشان سرووشتیۍ نېیەنۍ، هەرچی هەرمانۍ گەڼۍ بان ئاڎۍ مەکەراشان.
وەختێ ملی شۊنەو کەسێ چامنێرە، جە ئەسڵ و فەسڵیش مەپەرسی، ماچان کورە بابە ئینە هەر بە لاری ئاردەنش، وەڵینەکېچشا هەرپاسە لارۍ بیېنۍ، یانی هەر جە بنەچۆ لارېنۍ، پەوکەی ئاڎییچ ئەپاسە هەرمانۍ گەڼۍ و بەڎۍ کەرۊن.
پەی نموونەی بڕێ کەسۍ هۊرگیرو بەرنامێ، یام ئایدولوجیێ خرابینی، ئایدولوجیێ هەکە نېیەن خزمەتو بەشەرینە، گەرەکشەن بنەما ڕەسەنەکا خانەوادەی و کۊمەڵی تېک بڎۊن، پەوکەی ئا ئەڼامۍ کە پاڕەوکارۍ بەرنامەکەو ئاڎینۍ، هەرمانۍ لارۍ مەکەران، پېسە خاوەنو ئایدۆلۆجیاکەی لارېنۍ.[1]
Dit item werd in het (هەورامی) geschreven, klik op het pictogram
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dit item is 433 keer bekeken
Schrijf uw commentaar over dit item!