ڕۊ گەردوونی مافوو ئانزانی
بە بۊنەو ڕۊ گەردوونی مافوو ئانزانیەو (مرۊڤی) ئەشناسەو مافوو ئانزانی
مافوو ئانزانی ئا مافا گېرۊ وۍ کە گرد ئانزانێ هەنێش، تەنیا بە بۊنەو ئانزانبېیەیشەو هەنېش و هەر جە ئەڎابېیەیەو ساحېبوو ئی مافانە. ئی مافا ڕېز وکەرامەتوو ئانزانی پارێزنا و گرد ئازا هەنێو بە بۍ جیاوازی ڕەگەزی، زوانی، ئایینی، سیاسی، گلێرگەیی، پلەوپایەی کۊمەڵایەتی و ڕەنگوو پۆسی،....هتد، ئی مافاشە بە بۍ کەم و زیاڎ ھەنێ. (مادەو 2) .
مافوو ئانزانی مافێ سرووشتیەنێ و هەر بە بوونەو سروشتی بېیەیشاوە تەقەیۆربېیەیشا پەی نېیەن و پاشێل کەردەیشا تاوانەنە وەرانوەروو مرۊڤایەتیەو.
تایبەتمەنڎیەوتەروو ئا مافا سەرو وار نەکەردەی ئی مافانە، پا مانایە کە گردو ئی مافا پېسەو یۆینێ و ھیچکامشا کەمبایەختەر چەویشاتەری نېیەن و گردشا گرێدریای یۆینی و کەمکەردەی و جە یۆبڕیەیشا پەی نېیەن. پاشێلکەردەی هەرکام چی مافا شۊنی نەرێنیە سەرو ئەو مافەکاتەریرە منیۊرە و تاوانېیەنە وەرانوەروو گردو مافەکاوە. پەی نموونەی پاشێلکەردەی مافی زوانی هامکات پاشێلکەردەی مافەکاتەری، پېسەو مافی فەرهەنگی و گلێرگەیی و سیاسی و وێڕېکوستەی و هاموەڵاتی و ئاسایېشی گلێرگەیش ئینا شۊنیوە و ڕاوەشکەرەن پەی تاوانێ قۆرستەرێ.
موختار کەریمی.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (هەورامی) geschreven, klik op het pictogram
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dit item is 488 keer bekeken
Schrijf uw commentaar over dit item!