کیفاح مەحمود، ڕاوێژکاری پێشووی، #مەسعود بارزانی# سەرۆکی #پارتی دیموکراتی کوردستان#، دووپاتی دەکاتەوە #هەولێر# هاوکارییەکی گەورەی لەگەڵ بەغدا هەیە لەسەر پرسی کۆنتڕۆڵکردنی ناوچە سنوورییەکان.
کیفا مەحمود بۆ ماڵپەڕی حورە ڕایگەیاند، #حکومەتی هەرێمی کوردستان# بەشداری لە دانووستانە سێ قۆڵییەکانی نێوان ئێران و ئێراق و کوردستاندا کردووە، کە ئەوەش ڕێککەوتنێکی لێکەوتەوە.
ئەو ڕاوێژکارەی پێشووی بارزانی ڕاشیگەیاند، دانانی پاسەوانی سنووریش لە ناوچەکەش بەشێکن لەو سیستمە سەربازییەی ئێراق، کە لەگەڵ ئێران لەسەری ڕێککەوتووە و هەرێمیش بەشدارە لە پڕۆسەکە.
ئەو باسی لەوەش کردووە، حکومەتی کوردستان بە سەرۆکایەتی #مەسرور بارزانی# و جێگرەکەی #قوباد تاڵەبانی# نوێنەرایەتی هەموو #کوردستان# دەکات، بۆیە ڕێککەوتنەکە بە ڕەزامەندی و هاوکاری هەمووان لە #سلێمانی# و #هەولێر# کراوە و بەدووریشی دەزانێت ئەو پرسە کاردانەوەی لێبکەوێتەوە.
مەحمود ئاماژە بەوەش دەکات، کە جێبەجێکردنی ڕێککەوتنەکە لە بەرژەوەندی هەرێمدایە، بەو پێیەی وتاری سیاسی هەرێم هەمیشە جەخت لەسەر ڕێزگرتن لە پەیمان و پەیمانە نێودەوڵەتییەکان سەبارەت بە بوونی هێزەکانی ئۆپۆزسیۆن و ئاوارە بیانییەکان لەسەر خاکەکەی و پاراستنی بەرژوەندی هاوسێکانی دەکاتەوە.
هەروەها ڕایگەیاند، لە بەرژەوەندی کوردستان و ئێران و ئێراقیشە ناوچەکە بە گشتی و ناوچە سنوورییەکان بە تایبەتیی بەئارامی بمێنێتەوە و خەڵکەکەی تێیدا بژین. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 243 keer bekeken
Schrijf uw commentaar over dit item!