دەمەتەقێوە سەرو ڕۊمانەو چنارەی
بەشۍ: پەنجەمە
دەسپنەکەرده و ڕوٙمانەو چنارەی:
لواچۊوەرەی یان دەروازەو لواچوٙرەی پەی دلیٛ ڕوٙمانیٛ پیٛسەنە دیمەنو وەربەرەی یان حەوشه و یانەی! ئەر ناوەش و ناشیرین ئاما وەروچەما ئیتر یانەکەیچ پاشیٛوە ویٛنا کەری، بەڵام ئەر وەش و جوانخاس بی ئانە بەحەز و تامەزروٙیی پا منیەی دلیٛ یانەکەی، دەسپنەکەردەو چنارەی دەسپنەکەردیٛوی سەرنجکیٛش و دڵگیرەن! ڕاوی بەبیٛ موقەدەمەی دوور و دریٛژ و بەبیٛ وەسف و تاریفدانی بەروٙت دلیٛ شەوپاییزییەکا چنارەی و چەنی بانگ و سەڵاتوو مەلا ئوٙسمانی ئاشنات کەروٙ و کەروٙت میٛمانوو دەرویٛش میرانی، تاکو جە وەرهەیوانە سەرد و سڕەکا چنارەی و دلیٛ دوودەریٛیە گولانەکانە چەمیٛ وزی پەی تروسکه و تروسکو چراودەسیەکا و ئاماو لواو خەڵکە بەش مەینەتەکەیش! ئیتر هەرچاوە پنەت ماچوٙ چیٛش ویەروٙ و قەرارا چیٛش بوٙ و چیٛش نەبوٙ! پنەت ماچوٙ ئیستوار مەحمودی و بەتوول خانمە کیٛنیٛ و چکوٙ ئاماینیٛ و (پەروانە) و (ئەنوەر) چی ڕوٙشا یاوا ئاروٙ کە گردکەس حەسرەتشا پەی وازیٛ! ڕەزا بەهمەنی ڕووداویٛ دلیٛ چنارەی پاسە تەسویرکەروٙ کە توٙی وانەر پیٛسە فیلمیٛوە سینەمایی کیٛشوٙنە دلیٛ ویٛش و سات دماو ساتی چەمەڕاو سەرەنجامو ڕووداوەکا کەری!
شیٛوازو ئەوەگیٛلنایو (زاویەدید):
ڕاوی جە زوانو یەرەم کەسی تاکیۆ بە زانایێ کول ڕوەداوەکا گیڵنوٙوە، ئینەیچ پاسشە کەردەن بەگردو وردەکاریەکا بزانوٙ و گردو ڕوەداوەکا چیٛرو کونتروٙڵیشەنە با، جوٙرو دیالوٙگ و نەوعو شەخسییەتەکا پاسە بەرۋزوٙ کە ویٛش گەرەکشا! ئی جوٙرە ئەوەگیٛڵنایۆ، ئەوەگیٛلنایوی فرە ڕەهەند و فرە تەوەرا کە هەم شونەو ڕوەداوەکا و هەم ئا کەسیٛ ڕوٙمانەکەنە دەور وینا پەی ڕاوی ئاشنا و مەلمووسیٛنیٛ.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (هەورامی) geschreven, klik op het pictogram
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dit item is 348 keer bekeken
Schrijf uw commentaar over dit item!