دەمەتەقێوە سەرو ڕۊمانەو چنارەی
بەشۍ: نۊهەمە
تەشک و شیٛوازو چنارەی:
تەشک و شیٛوازو ڕوٙمانی چیٛویٛو کونکریتی نیا، چوونکوم نوویسەی و ویٛناکەردەی زاڎه و فیکر و زیهنیەتو خودو نویسەریا نەک چوارچیٛویٛوە ئەرەمجیا، ئانە زیهنی خەلاقوو نوویسەریا دەق خوڵقنوٙ، پەوکەی متاوی ڕەگەزی جوٙراوجوٙر و تەشک و شیٛوازی جیاجیا دلیٛ دەقەکانە ویٛناکەری، ڕاسا ئەوەگیٛڵنا ئی سەربوردە و چیروٙکەکا دلیٛ ڕوٙمانەوە چنارەی باس کەرده و ئا واقعیەتانەنە کە سەردەمیٛو تایوەت ڕوەشا دیٛنە و ئینەیچ ماچوٙما پنە کە دەقەکە دەقیٛوە ڕیالیستییا، بەڵام جوٙرو بەیان کەردەی و وەسف و ویٛنا خېیاڵییەکیٛ ڕوٙمانه و چنارەی متاۊو واچوو تیٛکەڵیٛوا جە ڕوٙمانسیەت و ڕیالیزمی کە دلیٛ داستانە ئەدەبییەکانە وینیوٙ، بەڵام باس مەکریوٙ، ئینە کە نوویسەر جە خېیاڵو ویٛشەنە تەسویریوٙ زیهنی بەنامی چنارەی و سروشتەکەیش دروس کەروٙ یان عەشق و وەشەویسی کەروٙ کروٙکو ڕوٙمانەکەی و ڕوٙمانسیانە وەسف و فەسڵەکا و دیاردەکا کەروٙ، ویرکەردیو ڕوٙمانسییانەن، بەڵام کە باسو واقیعیٛوی سیاسی، کوٙمەڵایەتی کەروٙ ئیتر چاگە ملوٙ قاڵبو ڕیالیزمی، چوونکوم گردو ئا ڕوەداوا کە باسشا کەروٙن بەشېوٙنیٛ جەواقیعو ئا سەردەمەیە کە ڕاوی چەنەش ژیوان، ڕەش بگیری و چەک کەردەی خەڵکی، جم وجوٙڵو حزبو تودەی، کوٙڵبەری، خەفەقان و ستەمکاری ڕژیٛمی پاشایٛتی و داب و نەریتە کوٙمەڵایٛتییەکیٛ گرد بەشوٙنی چا واقیعە سیاسی، کوٙمەڵایٛتەتییە، بەڵام ئانەیچما ویر نەشوٙ ئاواقیعە گەرەکما بوٙ گەرەکما نەبوٙ جە دوەبارە خولقنایشا تیٛکەڵ بە خېیاڵ و حەز و ئارەزو ڕاوی بییەنی، حیکایەتوان حکایەتەکا بە زوانیٛوە ساڎە و ساکار و ڕوٙمانتیک باس کەروٙ بەجوٙریٛو کە وانەر و گوٙشگیر ویٛش دلی ئا ویٛنە خېیاڵیانە وینوٙ کە سات دماو ساتی پیسە سکانسی سینەمایی نیشانە مدریا.
ڕەفعەت مورادی.[1]
Dit item werd in het (هەورامی) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dit item is 307 keer bekeken
Schrijf uw commentaar over dit item!