=KTML_Bold=بڕوانامەی بەشداریی بە 86 ژن بەخشرا=KTML_End=
بەشی کارگەی مافوری بەڕێوەبەرایەتی گشتی ڕۆشنبیریی و هونەری سلێمانی مەراسیمێکی پێدانی بڕوانامەی بە 86 بەشداربووی خولێکی تایبەتیی فێربوونی دروومان ڕێکخست.
سەرلەبەیانی ئەمڕۆ #10-09-2023#، بە ئامادەبوونی #حەمەی حەمەسەعید# وەزیری ڕۆشنبیریی و لاوان و د. #موحسین ئەدیب# بەڕێوەبەری گشتیی ڕۆشنبیریی و هونەری سلێمانی و محەمەد کوردۆ یاریدەدەری بەڕێوەبەری گشتیی ڕۆشنبیریی و هونەری سلێمانی و ژمارەیەک لە میوانان و فێرخوازان، مەراسیمی پێدانی بڕوانامەی بەشداربوون بەسەر فێرخوازان بەڕێوەچوو، لەبۆنەکەدا، د. موحسین ئەدیب لە وتەیەکدا، وێڕای پیرۆزبایی سەرکەوتنی خولەکە لە فێرخوازان و ڕێکخەرانی، ئاماژەی بە بایەخی ئەم جۆرە خولانە کرد، کە دەبێتە یارمەتیدەرێکی باش بۆ فێرخوازان بە تایبەت ژنان، کە دروومان هەم پیشە و هەم هونەرێکی گرنگە و لە بەشی مافوریش بە شێوەیەکی زانستیانە فێری دەبن و پشتیووانیی بەڕێوەبەرایەتی گشتیشی بۆ بەردەوامیدان بەم جۆرە خولانە دووپاتکردەوە.
لە کۆتایی مەراسیمەکەشدا، ڕزگار گەڵاڵەیی بەڕێوەبەری بەشی کارگەی مافور، هیوای خواست کە وەک هەمیشە پشتوانییان بن بۆ ئەوەی بەردەوام بن لەسەر ئەم جۆرە خولانە کە بێ بەرامبەر بۆ ژنان دەکرێتەوەو تا ئێستا 2023 چەند خولێکی لەم شێوەیەیان کردۆتەوە.
[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 530 keer bekeken
Schrijf uw commentaar over dit item!