سابوونش دان چېرو پەیاش
سابوون مادێ پاکۆکەرەن، هەم مادێ لووسەن، دلۍ دەسانە مەخزۊ. گەر کەسێ بەبۍ ئاگایی حەمامەنە سابوون بگنۊ چېرو قاچیش، ئانە مەخزۊ و ڕەنگە گلېرۊ و توشوو زەرەرێ بۊن.
ئینە پېسە ئیدیۆمێ بەکارئامان پەی گلېرنای کەسێ، یام هام هەرمانێ.
گلېرنای بە مانا فیزیکیەکېش نمەی، بەڵکوم کۆتەی مەعنەوین، پېسە چەنی ماچان سەرمایەدارێ کۆتەن، یام دەسەڵاتدارێ کۆتەن. فرەو جاری دوۍ هامڕێ پېوەرە پەی ماوێ درېژی کاسپی کەران، بەڵام تەماعەو دنیێ پاسە مەی وەرۆ یۊشان مەگنۊ فڕ و فېڵ وەراوەر ئەویشاوە، بە دەمی لووس مەیاونۊش بارێ خراب، مەگنۊ، ئیتر ماچان برادەرەکەیش سابوونش دا بنۆ پەیاش.
یام کەسێ فېڵێ کەسو برادەرەکەیشو مەکیانۊش پەی یاگێ خەتەرۍ، تەماعێ وزۊ وەردەمش، بەڵام چاگە توشوو قۊمیېوە بۊن، ئیتر ماچان سابوونش دا بنەو پەیاش و کیاستش.[1]
Dit item werd in het (هەورامی - Kurdish Hawrami) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dit item is 290 keer bekeken
Schrijf uw commentaar over dit item!