ئەقڵ بە گۆرەیی و گولانەیی نېیەن
پېسە مەزانمۍ ئەقڵ داینەمۆو مروڤیەن، ئینسان بەبی ئەقڵ پېسەنە ڕاوېیەرێ بۍ چراۋۍ و ڕۊشنایی دلۍ شەوۍ دەیجوورېنە. چەنی ئانەیچە ئەقڵ لاو ئینسانەکاوە پېسە یۊی نېیەن، هەن فرەو هەن کەم.
پېسە واتمان ڕاسەن ئەقڵ ناعمەتێ خوڎایەن، بەڵام گەشەو فراوانیش مەگنۊ سەرو هەرمانپەنەکەردەیش و مومارەسەکەردەیش.
ئا کەسۍ هەکە سەرەمڕە ۋیری مەکەراوە، ئەقڵشان مەوزان هەرمانە، سەرنجەکاشا هەسۍ مەکەراوە، سووڎ جە تەجرەبەکا وېشا و هەم خەڵکی تەری مەگېران، ئانۍ مەبانۍ بە ساحېبو ئەقڵێ باڵا و ڕۊشنی، خەڵکی پەی پەرس و ڕای پەشتیشان پەنە بەسان، پەی گرفتەکاشا پەناشان پەی بەران.
بڕێ تەر خەڵکۍ هەرگیز سووڎ ئەچا ناعمەتە گۆرەیە نمەگېران، نمەتاوان مومارەسەێوە تەندرووسش بکەران، ۋیر نمەکەراوە، فرە سەرنجە نمەڎان، مەژگ و ئەقڵشان هەر پېسە وېش هیچ دەسکاریێ نمەکەران، گەر تەمەنیچشا لوابۊ سەر، هەر پېسە سەردەمانو زارۊڵەیی و گەنجی ڕەفتارۍ کەران.[1]