ناونیشانی بابەت: تیمێکی ئیتاڵی لە بەردەڕەش کار لە شوێنەوارێک دەکات و تائێستا 100پارچەی شوێنەواری دۆزیوەتەوە
نوێنەری بەڕێوبەرایەتی شوێنەواری #ئاکرێ# لە تیمی ئیتاڵیا بۆ کارکردن لە شوێنە شوێنەواریەکانی سنووری شارۆچکەی #بەردەڕەش# دەڵێت ، تیمێکی ئیتاڵیا لە بواری شوێنەواری لە سنووری شارۆچکەی بەردەڕەش کار دەکات لە شوێنێکی شوێنەواری وتا ئێستا 100پارچەی شوێنەواری دۆزیوەتەوە ، کە زیاتر کەلوپەلی کشتوکاڵین ئەوەش دەسەلمێنێت کە پێش هەزاران ساڵ ژیانکردن لەو ناوچەیە هەبووە.
عومەر حسێن شەریف ، نوێنەری بەڕێوبەرایەتی شوێنەواری ئاکرێ لە تیمی ئیتاڵیا بۆ کارکردن لە شوێنە شوێنەوارییەکانی سنووری شارۆچکەی بەردەڕەش ، بۆ ڕادیۆی بەردەرەش وتی ، بەهۆی ئەوەی هەرێمی #کوردستان# شوێنێکی ئارام وسەقامگیرە تیمە بیانیەکان بەردەوام دێن لە هەرێمی کوردستان کار لە شوێنە شوێنەوارەکان دەکەن ، بۆیە ئێستا دوو تیمی بیانی یەکێکیان ئیتاڵییە کە خۆم کاری لەگەڵ دەکەم لە سنووری شارۆچکەی بەردەڕەش کار دەکەن بە هەماهەنگی حکومەتی هەرێم وبەڕێوبەرایەتی شوێنەواری ئاکرێ ، بۆ ئەو مەبەستەش گرێبەستێکی پێنج ساڵیان ئەنجامداوە وئەمە کۆتا ساڵی کارکردنیانە وماوەیەک وەستابوون لەکارکردن ئێستا دووبارە دەستیان بەکارکردن کردووە وکۆتا ساڵی کارکردنیان دەبێت ، بەڵام بەهۆی هەبوونی شوێنەواری گرنگ دەیانەوێت گرێبەستەکەیان دووساڵی دیکە نوێ بکەنەوە.
عومەر حسێن شەریف وتیشی، ئێستا لە گردی ئاسنگران لە سنووری شارۆچکەی بەردەڕەش کار دەکەن و تا ئێستا 100پارچەی شوێنەواریان دۆزیوەتەوە وزیاتر کشتوکاڵین ، وەکوو چنین وڕستن وگۆزەی جۆراوجۆر ، کە مێژووەکەیان بۆ پێش چوار هەزار ساڵ دەگەڕێتەوە ئەوەش دەسەلمێنێت ئەوکات ژیان لەو ناوچەیە کراوە ، بۆیە ناوچەی بەردەڕەش یەکێکە لەو ناوچانەی کە کشتوکاڵی سەرەتایی لەسەر ئاستی ڕۆژهەڵاتی ناوەڕاست لەو ناوچەیە بووە .
حسێن شەریف باسی لەوەشکرد ، یەکەم سەرژمێری شوێنی شوێنەواری ئێراقی لە ساڵی 1970لەلایەن ئێراق لەبەردەڕەش کرابوو 100 شوێن بوو ئێستا لە دوای هاتنی تیمە بیانیەکان بۆ 500 شوێنی شوێنەواری زیاد بووە .[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 268 keer bekeken
Schrijf uw commentaar over dit item!