هەرکاتێک غودەی تەمەڵ (سستی غودەی دەرەقی) دەستنیشان کرا پێویستە زوو چارەسەر بکرێ ئەگەر نا کۆمەڵێک کێشەی تەندرووستی تووشی نەخۆشەکە دەکات، دکتۆر داهات حەوێزی، پزیشکی پسپۆڕی هەناوی و شەکرە ئەو کێشە تەندرووستیانەی بڵاوکردووەتەوە.
- گەورەبوون و ئاوسانی غودەی دەرەقی لە بەشی پێشەوەی مل، لەوانەیە ببێتە هۆی ناڕەحەتی و هەناسەتوندی و گران قوتدانی خواردن، جگە لەوەی لەڕووی شکڵەوە ناشرین دەبێت.
- چارەسەر نەکردنی غودەی تەمەڵ لەوانەیە ببێتە هۆی بەرزبوونەوەی چەوری دڵ، چەوری سەر جگەر، گیرانی بۆریەکانی دڵ، گرژبوونی ماسوولکەی دڵ، بەرزبوونەوەی زەخت، خاوبوونەوەی لێدانی دڵ و سست بوونی دڵ.
- یەکێک لە هۆکارە گرنگەکانی قەڵەوی بریتییە لە غودەی تەمەڵ و ئەگەر کەسەکە هەوڵی خۆ لاوازکردنیش بدات، ناتوانێت تاکوو چارەسەری غودەکەی نەکات.
- ئەو کەسانەی غودەی تەمەڵیان هەیە لەوانەیە هەمیشە هەست بە ئاوساوی قاچ و ڕوخسار، سڕبوون و مێروولە کردنی پەلەکان بکەن.
- غودەی تەمەڵ لەوانەیە ببێتە هۆی نەزۆکی لە ئافرەتان و پیاوان، ئافرەتانی سکپڕ ئەگەر چارەسەری غودەی تەمەڵەکەیان نەکەن لەوانەیە ببێتەهۆی تێکچوونی ئەندامەکانی جەستە و لەدایکبوونی پێشوەخت و لەبارچوون.
-غودەی تەمەڵ پێویستە چارەسەر بکرێتت، چونکە دەبێتە هۆی هەندێک حاڵەت درێژخایەنی وەکوو کەمخوێنی، قەبزی و قژ هەڵوەرین.
- ئەگەر غودەی تەمەڵ چارەسەر وەرنەگرێت لەوانەیە ببێتە هۆی زۆر خەوی و تێکچوونی میزاج و دڵتەنگی. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 215 keer bekeken
Schrijf uw commentaar over dit item!