ڕۆژی چوارشەممە #15-11-2023# لە سەڵاحەددین #مەسعود بارزانی# پێشوازی لە بەڕێز حسێن عەلی ساڵح ئەلفەزالە یەکەمین کونسوڵی گشتیی وڵاتی قەتەر لە #هەولێر# کرد.
لە دیدارەکەدا کونسوڵی گشتیی قەتەر لە هەولێر سڵاوی ئەمیر و سەرۆک وەزیرانی قەتەری بە سەرۆک بارزانی گەیاند و خۆشحاڵیی خۆی بە دەستبەکاربوونی لە هەرێمی کوردستان نیشاندا و ڕایگەیاند کە هەوڵەکانی بۆ هاوکاری و هەماهەنگی لە بواری بووژانەوە و ژێرخانی ئابووری و پەرەپێدانی پەیوەندییەکانی نێوان هەردوولا دەخاتەگەڕ.
هەر لەو دیدارەدا سەرۆک بارزانی پیرۆزبایی و دەست خۆشی لە کونسوڵی گشتیی قەتەر کرد و پێشوازیی لە بەرزکردنەوەی ئاستی پەیوەندیی دیپلۆماسیی نێوان هەرێمی کوردستان و وڵاتی قەتەری کرد و جەختیشی لە پەرەپێدانی دۆستایەتی و پەیوەندیی نێوان هەردوولا کردەوە.
ئاڵوگۆڕکردنی بیروڕا لەبارەی دواپێشهاتەکانی ناوچەکە تەوەرێکی تری ئەو دیدارە بوو. [1]
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 197 keer bekeken
Schrijf uw commentaar over dit item!