ڕۆژى شەممە #25-11-2023#، وەفدێکى باڵاى #یەکێتیی نیشتمانیی کوردستان# بە سەرۆکایەتى #بافڵ تاڵەبانی# و وەفدی یاوەرى لە مەکتەبى سیاسى، سەردانى مەکۆى سەرەکى # بزووتنەوەی گۆڕان#یان لە شارى #سلێمانی# کرد و، لەلایەن وەفدی باڵاى بزووتنەوەى گۆڕان بە سەرۆکایەتى #مستەفا سەید قادر# و وەفدی خانەى ڕاپەڕاندن و جڤاتى نیشتمانى پیشوازیان لێ کرا. لە کۆبوونەوەکەدا چەند تەوەرێکى گرنگ و هەستیارى پەیوەندیدار بە ژیان و گوزەرانى خەڵک و دۆسیەى سیاسى، ئیدارى و ئەمنى ناوچەکە و ئێراق و هەرێمى کوردستان گفتوگۆیان لەبارەوە کرا.
پرسى یەکخستنى نێوماڵى کورد و ئامادەکردنى نەخشەڕێگایەکى هاوبەشى کوردستانى بۆ پەیوەندى و مامەڵەکردن لەگەڵ ئێراق و ناوچەکە و حکومڕانى هەرێمى کوردستان گفتوگۆى لەسەر کرا، هەروەک جەختکرایەوە لەو پەشێوى و ئاڵۆزیانەى لە ناوچەکە هەیە، هەوڵبدرێت کورد نەچێتە سەنگەربەندى نێوان لایەنە ناکۆکەکان و ئاساییش و ئارامى هەرێمى کوردستان و هاووڵاتییان لە هەر ئەگەرێکى نەخوازراو بپارێزرێت.
هاوکات دۆخى ژیان و بژێوى هاووڵاتییان و کاریگەرى قەیرانى دارایی لەسەر مووچەخۆران و مامۆستایان بەشێکى گرنگى کۆبوونەوەکەى پێکهێنا، هەردوولا هاوڕابوون لەسەر ئەوەى #حکومەتی هەرێمی کوردستان# و حکوومەتى ئیتیحادى بگەنە خاڵى هاوبەش و ڕێککەوتن بۆ چارەسەرى کێشەى پشکى هەرێم و دابینکردنى مووچە لە کاتى خۆیدا، ئەمەش لەپێناو دەستپێکردنەوەى پڕۆسەى خوێندن لە سنوورى پارێزگاکانى سلێمانى و #هەڵەبجە# و ئیدارەکانی گەرمیان و ڕاپەڕین بۆ چارەسەرى کێشەکانى تەندرووستى و کارەبا و خزمەتگوزارییەکان بۆ هاووڵاتییان.
کۆبوونەوەکە، هەڵوەستەى لەسەر پرسى هەڵبژاردنەکان کرد، هەردوولا جەختیان کردەوە لەوەى هەڵبژاردنى پەڕڵەمانى کوردستان لە وادەى خۆیدا ئەنجامبدرێت و ئاستەنگەکانى بەردەمى لاببرێن، بەتایبەت کە هەرێمى کوردستان لە بەردەم بۆشایی هەندێک لە دامەزراوە شەرعیەکانیدایە، هەروەها هەڵبژاردنى ئەنجوومەنى پارێزگاکانیش لە کەرکووک و ناوچە دابڕاوەکان گفتوگۆیان لەبارەوە کرا و هەردوولا هاوڕابوون لە گرتنەبەرى ڕێوشوێنى پێویست تا هانى زیاتری هاووڵاتییانى کورد بدات بۆ بەشداریکردنى کارا لە پڕۆسەکەدا. [1]
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 241 keer bekeken
Schrijf uw commentaar over dit item!