یا کەریم
هەرچەند نەخۆشی عیشق و زەدەی پەنجەیی پەریم
هەرچەندە بێ مشوورم و هەرچەندە سەرسەریم
چونکە لە حاڵی خۆم وەڕەزم، مات و عاجزم
ماوم عەجەب لە ڕەحمی خودا، بۆچی من بەریم؟
یاڕەب بە خاتری دڵی خاسانی بێ ڕیات!
ڕەحمێ بە حاڵی زارم و وەزعی قەلەندەریم
چونکی بە غەیری تۆ نییە کەس بگرێ دەستی کەس
دەستی شکاو لەگەڵ دڵەکەم بگرە یاکەریم!
بمهێنە دەر لە گێژوخولی چەرخی چەپ ڕەوت
عاجز مەبە لە دڵپڕی ئەمن و لە زۆروەڕیم
#سەید کامیل ئیمامی#
#دیوانی ئاوات# [1][2]