هەر چەندە #یانەی وەرزشی ئارارات#ی هاوینەهەواری پیرمام وەرزی ڕابردوو توانی پلەی دووەمی خولی یانە پلە نایابەکانی کوردستان بە سەرکردایەتی (عەبدوڵڵا مەحمود)ی ڕاهێنەر بەدەست بهێنێت، بەڵام ئەم وەرزە کارگێڕی یانەکە بەهۆی نەبوونی توانای دارایی پێویست و کەڵەکەبوونی قەرزی زۆر لەسەر یانەکە بڕیاری بەشداری نەکردنیان لە خولی نایابی یانەکانی کوردستان دابوو کە بڕیارە ڕۆژی 01-12-2023 یارییەکانی دەست پێبکات، بەڵام دواجار یانەکە پەشیمان بوونەوە لە بەشداری نەکردن و ئێستا 2024 ئامادەکاری بەشداری کردن دەکات، لەم بارەشەوە (وەلید ئەنوەر موراد) سەرۆکی یانەکە بۆ گۆڤاری گوڵان وتی: سەرەتا ئێمە کە بڕیارماندا کە لە خولی نایابی کوردستان بەشدارنەبین، هۆکارەکەشی بۆ بوونی قەیرانێکی دارایی سەخت بوو، ئەم قەیرانەش بۆ ماوەی سێ تا چوار ساڵە بەردەوامە لەگەڵمان، بڕی ئەو قەرزەی کە لەسەر یانەکەمان بوو بۆ 400 ملیۆن دینار دەچوو، هاناشمان بۆ حکومەت برد بۆ بەهاناچوونەوە، بەڵام ئێستا کە بڕیاری گەڕانەوەمان داوە هەندێک کۆمپانیا و پیاوی بەڕێز هاتونەتە سەر هێڵ بەڵێنی هاوکاری کردنی تیپەکەیان داوە تەنیا بۆ ئەوەی ئێمە بەردەوام بین بۆ بەشداری کردن، دەستەی ڕاهێنەرانیش وەکوو خۆی ماونەتەوە و ئێستا مەشق دەکەن و یاریزانەکانمان بەوەفا دەرچوون، پەنا بەخوا ئاستێکی باش پێشکەش دەکەین.
[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 310 keer bekeken
Schrijf uw commentaar over dit item!