پۊختێوە جە تاریخو هۆرامانی و سرووشتو ژیوای خەڵکەکەیش
بەشۍ: ویس و پەنجەمە
نویستەی: #ئیبراهیم میکە عەلی#
دمای مەردەی عەزیز خانی تاتەیش مەحمود خان، ساڵەو (1901) عیسایی خانایەتی دزڵییٛ و شەمیانیش گیٛرتەن دەس و پەی ئانەی ڕاوەبەردەی قەڵەمڕەوەکەیشەنە سەرکۆتە بوٙ ئەنجومەنێوە ڕاویٛژکاریش دروس کەردەن هەکە جە حەوت کەسا خیٛزیان، سەردەسەو ئەنجومەنەکەی نامیٛش قیٛخا زوٙراب بېیەن، ئەندامەکیٛچش قیٛخاو چڼ دەگێوە و فەرماندە سەربازیەکیٛ و مەڵێوە بییٛنیٛ.
چا ماوەنە چڼ جارێوە سپاو ئیٛرانی تەپش کوان سەرو خانی و سنورەکاش و خانیچ ڕوەشانە مدرانۆ و جەنگش چەنی کەردیٛنیٛ، هەرپاسە مەحمود خان پېوەڼی خاسش بېیەن چەنی کەسایەتیەکا سەردەمەکەیش و وەختو پەنەوازینە لوان سەردەمو بەشەکا تەرو وەڵاتیۆ، پیٛسەو لوایش سەردەمو سلیٛمانی و شیٛخ مەحمودی بەرزنجی و لوایش سەردەمو حەمەڕەشید خانو بانەی و سەردار ڕەشیدی ئەردەڵانی و سمکوٙی شکاکیۆ، پېوەڼیچش چەنی شیٛخ نەجمەدینو بېیاریٛ و سەی محەمەدی جەباری گەرم بېیەن، هەروەرەنە ئی پېوەڼییە پەرەش سانان هەتا یاوان ئاستو بەستەی پێمانێوە و وەراوەرو هەڵمەتەو داگیرکارە بېیانیا و هەرپاسە وەراوەرو دۆڵەتو ئیٛرانینە پەشتەو هەنترینیشا گیٛرتیٛنە.
لەشکەرو مەحمود خانی و تفەنگچییەکیٛش جەنگ دژو ڕوسە داگیرکارانە بەشداریی چالاکانەشا کەردەن.
ساڵەو (1943ز) چەنی مەڵڵا مسەفاو بەرزانی ماوێوە پیٛوە دەسبەسەریٛ بییٛنیٛ و بە تەقەلا و یاردەی و چەمساقی شیٛخ لەتیف کوڕو شیٛخ مەحمودی هەردویشا ڕوانەو ناوچەو ویٛشا کرێنیٛوە.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (هەورامی) geschreven, klik op het pictogram
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dit item is 313 keer bekeken
Schrijf uw commentaar over dit item!