سەرۆکی بەشی ھونەری لە سەرۆکایەتی شارەوانی #ھەولێر# وتی: ئەنجامدانی پڕۆژە لە پارێزگای ھەولێر بەردەوامە و زیاتر پڕۆژە لەو ناوچانە ئەنجام دەدەین ھەژار نشینن و کەمتر خزمەتگوزارییان بۆ دابین کراوە، ئێستا بە گوژمەی زیاتر لە 3 ملیار دینار پڕۆژە لە بواری جێبەجێکردن دان.
ڕازان خەلیل عوسمان، سەرۆکی بەشی ھونەری لە سەرۆکایەتی شارەوانی ھەولێر، بۆ ماڵپەڕی فەرمیی پارتی دیموکراتی کوردستان وتی: ئەو پڕۆژانەی لە ساڵی 2023 لەسەر داھاتی سەرۆکایەتی شارەوانی ھەولێر و بودجەی پەرەپێدانی پارێزگاکان جێبەجێ کراوە 429 پڕژەیان بە گوژمەی 59 ملیار و 945 ملیۆن دینار کە پڕۆژەی جۆراوجۆرن وەکو قیرتاوکردن و درووستکردن و نۆژەنکردنەوە.
ڕازان خەلیل عوسمان وتیشی: بۆ ئەمساڵیش 2024 بە گوژمەی 3 ملیار و 923 ملیۆن دینار 12 پڕۆژەمان لە بواری جێبەجێکردندان، ئەوانیش قیرتاوکردن و درووستکردن و نۆژەنکردنەوە لەخۆ دەگرێت، بەپێی بودجەی بەردەست بەردەوام دەبین لە ئەنجامدانی پڕۆژەی تازە لە شوێنە جیاجیاکانی ھەولێر.
دەشڵێت: ئێمە زیاتر پڕۆژەکان لەو شوێنانە ئەنجام دەدەین کە ھەژار نشینن و دەکەونە باشووری ھەولێر و کەمتر خزمەتگوزارییان پێدەگات، بۆیە ھەوڵدەدەین لە ھەموو ناوچەکان پڕۆژە ئەنجام بدەین. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 205 keer bekeken
Schrijf uw commentaar over dit item!