پێشنیوەڕۆی ئەمڕۆ، #30-05-2022#، بەڕێز #فازڵ میرانی#، سکرتێری مەکتەبی سیاسیی پارتی، پێشوازیی لە خاتوو ماری پارێ، نوێنەری یەکێتیی ئەورووپا لە هەرێمی کوردستان کرد.
لە دیدارەکەدا کە هۆشیار سیوەیلی، بەرپرسی مەکتەبی پەیوەندییەکانی دەرەوەی پارتی ئامادە بوو، بەڕێز فازڵ میرانی، سکرتێری مەکتەبی سیاسیی #پارتی دیموکراتی کوردستان#، وێرای بەخێرھێنانی میوان، سوپاسی یەکێتیی ئەورووپای کرد بۆ ئەو ڕۆڵە ئەرێنییەی لە ئێراق و هەرێمی کوردستان دەیگێڕن بۆ هاوکاریی پەنابەران و بەهێزکردنی دامودەزگاکانی دەوڵەت.
سکرتێری مەکتەبی سیاسی باسی لە ڕەوشی ئێستای ئێراق و دواین هەنگاوەکان بۆ چارەسەرکردنی جیاوازییەکانی نێوان لایەنەکان بۆ دامەزراندنی حکوومەتی داهاتووی ئێراق کرد و ڕایگەیاند: ''ئامانجی پارتی دیموکراتی کوردستان و جەنابی #مەسعود بارزانی# سەقامگیری و ئاشتییە لە کوردستان و ئێراق، بۆ ئەو مەبەستەش هەمیشە لە هەوڵدا دەبین بۆ بەدەستهێنانی و لە ئاییندەشدا ئەو هەوڵانە چڕتر دەکرێنەوە.''
لە درێژەی گفتوگۆکاندا بارودۆخی هەرێمی کوردستان و هەڵبژاردنی پەڕڵەمانی کوردستان و پەیوەندیی لایەنە سیاسییەکان باسی لێ کرا و بەڕێز میرانی جەختی کردەوە کە پارتی دیموکراتی کوردستان ئامادەی سازانە و پێی وایە گرفتێکی وا نییە کە ببێتە بەربەست بۆ ئەنجامدانی هەڵبژاردن و بەردەوامیی چاکسازی و خزمەتی میللەتی خۆمان، هەروەها باسی دانیشتنی شەش پارتە سیاسییەکەی هەرێمی کوردستان لە بارەگای نەتەوە یەکگرتووەکان بەشێکی دیکەی ئەو دیدارە بوو.
لە دیدارەکەدا خاتوو ماری پارێ سوپاسی مەکتەبی سیاسیی کرد بۆ ئەم پێشوازییە گەرمەی کە لێی کراوە و، ئاماژەی بەوە دا کە سەقامگیری و پێشکەوتنی ئێراق بۆ یەکێتیی ئەورووپا گرنگ و پێویستە و بەردەوام دەبن لە هاوکاری و هەماهەنگی لە تەواوی بوارەکاندا.
نوێنەری یەکێتیی ئەورووپا ڕەوشی چەق بەستووی ئێراقی بە ناتەندرووست وەسف کرد و وتی: ''ئەو بارودۆخە لە بەرژەوەندیی دەوڵەت و گەلانی ئێراقدا نییە، بۆیە پێویستە لایەنە سیاسییەکان ئەنجامی هەڵبژاردن بکەنە پێوەری دامەزراندنی حکوومەتی داهاتووی فیدراڵیی ئێراق و خزمەت بە دانیشتووانی ئێراق بکەن.''
دەربارەی هەڵبژاردنی پەڕڵەمانی کوردستانیش خاتوو ماری پارێ وتی: ''گرنگە هەرێمی کوردستان بتوانێت لە کاتی دیاریکراودا هەڵبژاردن بەڕێوە ببات و کار بکات لەسەر باشترکردنی پەیوەندییەکانی نێوان لایەنەکان.''
نوێنەری یەکێتیی ئەورووپا جەختی کردەوە لەسەر بەردەوامیی هەماهەنگیی وڵاتانی یەکێتی ئەورووپا لەگەڵ هەرێمی کوردستان و بەهێزکردنی دامودەزگاکانی هەرێمی کوردستان و پێشکەوتنی کۆمەڵایەتی و ئابووری و باشترکردنی گوزەرانی خەڵکی هەرێمی کوردستان. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 253 keer bekeken
Schrijf uw commentaar over dit item!