لەیادمە ڕۆژێک
لە مشتێ بەڵاڵووک
چەپکێ گووڵە بهیبووە
ڕستێ مێخەک و
قەسیدەیەکی .. نالی
ماڵێکم درووستکرد بۆ ژووان
کەچی (ئەو) نەهات
منیش بەدەم گریانەوە
سپاردم بە چەمێکی شێت
لەو رۆژەوە
چاوەڕێی هەڵکردنی ( با ) یەکم
وەکو فڕفڕۆکەکەی مناڵیم بمخولێنێتەوە و
مکاتەوە هاوڕێی تەنهایی
من ژنێکم ..
قەهر پڕی کردووم لەسەر شێتی
کردوومی بە کۆلارەیەکی کاغەز
هەرکە ئاسمان ڕقی هەستا
ون ئەبم
کردوومی بە جۆگالەیەک
پڕ .. پڕ لە گەڵا و
دارستانێک
دوور .. دوور لە ئاو
خۆ هێشتا لە بەخچەیەکدا نەڕوواوم
هێشتا پڕ نەبووم لە بۆنی موحیبەت
ئیدی مردنی چی ؟ خودایە
2007 -هۆڵندا
ناوی نووسەر: #کەژاڵ ئیسماعیل عەبدوڵڵا# [1]
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 164 keer bekeken
Schrijf uw commentaar over dit item!