یەسووع
تەنیا لەگەڵ زەنگی کڵێسادا، دڵم دادەخورپێ
دەڵێی ڕەگم چۆتەوە سەر حەزرەتی عیسا
گەر گەردنم ڕووتیش بێت، هەست دەکەم خاچێکی پێدا شۆڕ بۆتەوە
نزیکترین هاوڕێمن،
مانگ و
باڵندەو
ڕووبارەکان.
نامەوێ پێم لە هیچ گوڵێک
هیچ مێروولەیەک
هیچ خەونێک بنێم.
ئەو بەردەم فڕێدا کە بۆ کوشتنی ژن بە دەستمەوە بوو
ژن کوشتن،
وەک ئەوە وایە، هەوڵی کوشتنی خودا بدەی.
هیچ دەنگێک بەقەد زەنگی کڵێسا،
پڕم ناکات لە میهرەبانی
دەڵێی سەدەیەک دراوسێم بووە-حەزرەتی یەسووع
هۆزانەوان: #قوبادی جەلیزادە# [1]
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 112 keer bekeken
Schrijf uw commentaar over dit item!