سەرۆکى هەرێمى کوردستان، لەگەڵ شاندێکى سێناتى ئەمەریکا بە سەرۆکایەتیى سیناتۆر دۆن سولیڤان، لەبارەى پەیوەندییەکانى ئەمەریکاوە لەگەڵ ئێراق و هەرێمى کوردستان گفتوگۆیان کرد و تیشکیان خستە سەر دوایین پێشهاتە ئەمنییەکانى ئێراق.
ئەمڕۆ هەینی #16-02-2024# لە پەراوێزی کۆنفرانسى ئاساییشى میونشن لە ئەڵمانیا #نێچیرڤان بارزانى#، سەرۆکى هەرێمى کوردستان، لەگەڵ شاندێکى سێناتى ئەمەریکا بە سەرۆکایەتیى سیناتۆر دۆن سولیڤان، کۆبوونەوە.
هاوکات لەبارەی پەیوەندییەکانى ئەمەریکاوە لەگەڵ ئێراق و هەرێمى کوردستان گفتوگۆیان کرد و تیشکیان خستە سەر دوایین پێشهاتە ئەمنییەکانى ئێراق.
هەردوولا داکۆکییان لە برەودان بە پەیوەندییەکانى ئەمەریکا و ئێراق لە چوارچێوەى ڕێککەوتنى ستراتیژیى نێوانیاندا کردەوە و باسیان لە بەئامانج گرتنى هێزەکانى هاوپەیمانان لە ئێراق و کاردانەوە ئەمنى و سەربازییەکانى کرد.
نێچیرڤان بارزانى و شاندى سێناتى ئەمەریکا هاوڕابوون لەسەر ئەوەى پێویستە ئاساییش و سەلامەتیى هێزەکانى هاوپەیمانان و نێردە دیپلۆماسییەکان لە ئێراق پارێزراو بن و ڕێگە نەدرێت گرووپە چەکدارەکان ئارامى و سەقامگیریى ئێراق و سەروەریى وڵات بخەنە مەترسییەوە.
شاندەکە بەردەوامیى پشتگیریى ئەمەریکاى بۆ ئێراق و هەرێمى کوردستان لە بەرەنگاربوونەوەى تیرۆر و مەترسییەکانى #داعش# و هەڕەشە ئەمنییەکان دووپات کردەوە و پەیوەندییەکانى وڵاتەکەیان لەگەڵ ئێراق و هەرێمى کوردستان بە گرنگ لە قەڵەم دا. لاى خۆیەوە نێچیرڤان بارزانى، سوپاس و پێزانینى بۆ پشتگیریى کۆنگرێس و سێناتى ئەمەریکا لە ئێراق و هەرێمى کوردستان دەربڕى. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 180 keer bekeken
Schrijf uw commentaar over dit item!