سەرۆکی هەرێمی کوردستان و یاریدەدەری وەزیری بەرگریی ئەمریکا بۆ کاروباری ئاساییشی نێودەوڵەتی لە کۆبوونەوەیەکدا ئەمڕۆ #18-02-2024# لە میونشن، هاوڕابوون لەسەر ئەوەی دەبێت ئێراق هەموو هەوڵێک بدات نەخزێتە نێو کێشەکانی پەیوەست بە شەڕی غەززە و قوورسایى بخاتە سەر بەرەنگاربوونەوەى تیرۆر.
بەیانیى ئەمڕۆ (یەکشەممه، 18-02-2024) #نێچیرڤان بارزانی#، سەرۆکى هەرێمى کوردستان، لە کۆنفرانسى ئاساییشى میونشن لە ئەڵمانیا، لە کۆبوونەوەیەکدا لەگەڵ سێلێست واڵندەر، یاریدەدەرى وەزیرى بەرگریى ئەمریکا بۆ کاروبارى ئاساییشى نێودەوڵەتى، هەڕەشە و مەترسییە ئەمنییەکان لە ئێراق و دۆخى ئاڵۆزى ڕۆژهەڵاتى ناوەڕاستیدان تاوتوێ کرد.
بەپێی ڕاگەیێندراوی سەرۆکایەتیی هەرێمی کوردستان لەبارەی ناوەرۆکی کۆبوونەوەکە هەردوولا هاوڕا بوون کە ئارامى و سەقامگیریى ئەمنى و سیاسیى ئێراق و هەرێمى کوردستان بۆ ناوچەکە گرنگە و لەکاتێکدا ئەگەرى تەشەنەسەندنى زیاترى لێکەوتەکانى شەڕ لە غەززە، هەڕەشە و مەترسى لەسەر ناوچەکە درووست دەکات، دەبێت ئێراق هەموو هەوڵێک بدات نەخزێتە نێو کێشەکانەوە و قوورسایى بخاتە سەر بەرەنگاربوونەوەى تیرۆر و هەڕەشە و مەترسییەکانى #داعش#.
لە تەوەرێکى دیکەى کۆبوونەوەکەدا باس لە کاردانەوە و کاریگەریى نەرێنیى بەئامانجگرتن و پەلاماردانى هێزەکانى هاوپەیمانان لە ئێراق و هەرێمى کوردستان کرا. لەمباریەوە جەخت لە پێویستیى ڕێگرتن لەو کردەوانە کرایەوە، کە هەڕەشە لە دۆخى ئاساییش و سەقامگیریى ئەمنى و سەروەریى وڵات دەکەن.
هاریکاریى هاوبەشى ئەمنیى ئەمریکا لەگەڵ ئێراق لە چوارچێوەى ڕێککەوتنى ستراتیژیى نێوان هەردوولادا، تەوەرێکى دیکەى کۆبوونەوەکە بوو. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 138 keer bekeken
Schrijf uw commentaar over dit item!