کورد دلۍ چەرخەکا تاریخینە
بەشۍ: سەڎ و چواردەهەمە
نویستەی: #هاوڕێ باخەوان#

ساڵەو (1768ز): ئۆغوز بەگی گولانە، کوڕو میر ئەحمەڎ میرو سۆرانی ئەچی ساڵېنە کۊچی دمایینش کەردەن.
ساڵەو (1769ز): والی بەغڎای بە فەرمانێ، بارام بەگش کەردەن بە میرو بادینانی ئەچی سالېنە.
ساڵەو (1771ز): ئەچی ساڵېنە بە هۊکارو بۍ ۋارانی ئاورایێ فرە دلۍ کوردەسانینە وەلابېیەنۆ.
ساڵەو (1772ز): ئەحمەڎ پاشا دیسان ئەچی ساڵېنە بېیەنۆ بە میرو بابانی. شېخ موحەمەڎ بەهائەدینو بېیارۍ شاعېر، ئەچی ساڵېنە کۊچی دمایینش کەردەن.
ساڵەو (1773ز): نەوەشی تاعونی ئەچی ساڵېنە دلۍ کوردەسانینە وەڵا بېیەنۆ. هەر ئەچی ساڵېنە مەحموڎ پاڎشاو بابانی، جە ئەحمەڎ کۆڵوان، ئەحمەڎ پاڎشا و مەحمووڎ پاڎشاش بە دیل گېرتېنۍ.
ساڵەو (1774ز): سوبحان وېردی خانو والی سنەی، ئەچی ساڵېنە کۊچی دمایینش کەردەن. شېخ سیراجەدینو تەۋېڵۍ، ئەچی ساڵېنە ئامان دنیاوە. هەر ئەچی ساڵېنە عەلی مورادخان، بە فەرمانو ئەحمەڎ پاڎشاو بابانی بە دیل گېریان.
ساڵەو (1775ز): میر موحەمەڎ (پاڎشاو کۆرەی) دلۍ شارو ڕەواندوزی، ئەچی ساڵېنە ئامان دنیاوە.
ساڵەو (1776ز): ئەچی بساڵېنە (نەسا خانمە)، ژەنەو موحەمەڎ پاڎشای براو سڵېمان پاڎشاو بابانی ئەچی ساڵېنە کۊچی دمایینش کەردەن. هەر ئەچی ساڵېنە مەحموڎ پاڎشاو بابانی بە یاردی شەفیع خاندی جە نئێرانۆ گېڵانۆ، بەڵام مەڕیانو بە پەلە گېڵانۆ.[1]