کچە کوردێکی ئێزدی گەڕێندرایەوە نێو کەسوکاری، ئەوەش دوای ئەوەی سەرەتای ئەم هەفتەیە لە ڕۆژاوای کوردستانەوە گەڕێندرایەوە #شەنگال#.
ئێوارەی ئەمڕۆ پێنجشەممە #07-03-2024#، کچە کوردێکی ئێزدی دوای 10 ساڵ دووری لە کەسوکاری خۆی گەڕێندایەوە شارۆچکەی #سێمێڵ# لە پارێزگای #دهۆک# و بە کەسوکاری شادبوویەوە.
ئەو کچە ناوی کۆڤان عیدۆیە و لە سەرەتای ئابی 2014 لەلایەن داعشەوە ڕفێنرا.
کۆڤان کاتێک ڕفێنرا تەمەنی 14 ساڵ بوو و ڕۆژی شەممە #02-03-2024# لە ڕۆژاوای کوردستانەوە گەڕێندرایەوە شنگال و ئەمڕۆش گەڕێندرایەوە نێو کەسوکاری لە پارێزگای دهۆک.
حسێن قائیدی، بەرپرسی نووسینگەی ڕزگارکردنی ڕفێنراوانی دەستی #داعش# بە تۆڕی میدیایی ڕووداوی گوت، دایک و باوکی ئەو کچە لە ژیاندا نەماون.
کوردانی ئێزدی بە گەڕاندنەوەی کۆڤان بۆ نێویان زۆر خۆشحاڵ بوون و لە ڕێوڕەسمێکدا بە گوڵ و چەپڵەلێدان پێشوازییان لێ کرد.
کۆڤان خۆشحاڵی خۆی بەرانبەر ڕزگارکردنی و گەڕانەوەی بۆ نێو کەسوکاری دەربڕی و وتی، چەکدارانی داعش بۆ ماوەی 10 ساڵ لە کەسوکار و نیشتمانی خۆی بێبەشیان کرد.
لە هێرشی داعشدا بۆ سەر شنگال لە #03-08-2014#، داعش کوردانی ئێزدیی کۆمەڵکوژ کرد و شەش هەزار و 417 کەسی ڕفاند.
بەگوێرەی نووسینگەی ڕزگارکردنی ڕفێنراوانی دەستی داعش، تاوەکوو ئێستا 3 هەزار و 575 کوردی ئێزدی لە دوای ڕفاندنیانەوە ڕزگار کراون. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 229 keer bekeken
Schrijf uw commentaar over dit item!