دەرفەت
من زۆر لە غەریبی دەترسم
وەرە با باوەشت بکەم بە نیشتمان
بە وەرزی زریاندا ڕەت دەبم
هەتا دێم هەستمەوە
شەپۆلێ بەسەرما دەڕووخێ
ئەمخاتە گێژەنی بێ ئامان!
هەتا چاو بڕ ئەکات
شەپۆل و گێژاوە
دەست کورتتر لەوەم کە
لە پاپۆڕ دانیشم
بەلەمی هیواشم شکاوە!
وەرە وەک بەندەرێ
ئامێزت بکە بە لەنگەرم
تەنیایی دەستڕێژم لێ ئەکات
من زۆر لە غەریبی دەترسم
بانگم کە...
با ئەوین بکەم بە سەنگەرم
شکاوە، شکاوە...
بەلەمی نەجاتم شکاوە
من بۆنی هەڵۆ لە هەناسەی بای زریان دەبیستم
وا دیارە بۆ کۆتر دەرفەتێ نەماوە
سەرچاوە: #زڕەی زنجیری وشە دیلەکان# [1]
هۆزانەوان: #جەلال مەلەکشا#
سەرچاوەی دەق: ڤەژینبوکس [2]
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 89 keer bekeken
Schrijf uw commentaar over dit item!