جەردە هاتن
هاوارم کرد:
لە خەو ڕابن
جەردە دڵی شاری کرۆژی
گوێتان نەدا
چاوتان لە ناو شەوارەدا
پتر قووچان
گوانی شەوتان لە دەم نابوو
شیری تاریکیتان ئەمژی!
جەردە هاتن، جەردە هاتن!
گەنجینەکانیان تاڵان کرد
خوێیان کردە ڕووبارەکان
ئیسک و پرووسکی شاریان شکان!
لە ژێر تەوژمی پۆستاڵا
هەناسەیان لە نێو سینگتانا حەپسان
تەنانەت ئاخ...
دەفری شەویان
لە ئەستێرە و مانگ داتەکان!
سەرچاوە: #زڕەی زنجیری وشە دیلەکان# [1]
هۆزانەوان: #جەلال مەلەکشا#
سەرچاوەی دەق: ڤەژینبوکس [2]
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 75 keer bekeken
Schrijf uw commentaar over dit item!