کورد دلۍ چەرخەکا تاریخینە
بەشۍ: دوەسەڎ و سی و پەنجەمە
نویستەی: #هاوڕێ باخەوان#
ساڵەو (1908ز):
* مانگەو (08) ئی ساڵېنە، خان و بەگە کوردەکۍ برادۆستی و تەرگەوەڕی و مەرگەوەڕی، کە یەرۍ هەزار بنەیانۍ بېنۍ، چانېشا ئیسمایلخانی سمکۆ، سلێمانی خانی ماناشلی و هینۍ تەرۍ، پەناشان بەردە وەردەمو قونسوڵخانەو ڕووسیای جە ورمێ، داواشان کەرد ئەو ڕووسیای پەناشان بڎۊن.
* تاریخو (05-08-1908ز) شەریف پاشاو خەندانی، نیشانێوە بە نامۍ (هەسارەو سەرنیشتی)، جە لاو پاشاو سویدیۆ وەرگېرۊن.
* مانگەو (09) ئی ساڵېنە، تورکەکۍ قەرارو چەککەردەو سوارەی حەمیدیشان بەرکەرد، بەڵام سەرش نەگېرت، ۋەرو ئانەیە ئاغا کوردەکۍ دەسەڵاتشان فرە بۍ و تورکەکۍ وېشا ئا دەسەڵاتەشا نەبۍ.
* مانگەو (09) ئی ساڵېنە، تورکەکۍ پەلامارەو ناوچەو دەرسیمیشان دا، شۆڕشگېڕەکۍ گېڵێوە پەی کەشەکاو چاگۆ پەلامارەی پارتیزانییە کەرېنۍ سەرو تورکەکا.
* تاریخو (25-09-1908ز) ئەچی ساڵېنە، کۊمەڵەی بەرزی وەڵکۆتەو کوردی سەرو دەسو چن کەسێ جە ئەستەمبوڵ مەرزیانەرە: میر ئەمین عالی بەدرخان، ژەنەراڵ شەریف پاڎشا، شەهیڎ سەی عەبدولقادر، داماد ئەحمەد، زولکەفەل پاشا، چڼینۍ تەرۍ.
* مانگەو (10) ئی ساڵېنە، هەمەوەڼەکۍ میانو کەرکوک و سلێمانی ڕاپەڕێ، پەشتگیریشان جە لاو بەرزانییەکا و زېبارییەکاوە کریا.
* تاریخو (09-11-1908ز) یەکەمین ژمارەو ڕۊنامەو کوردی جە ئەستەمبوڵ بە هۆڵۍ تۆفېق بەگی وەڵاکریانۆ، ڕەنگە پیرەمێردی شاعېر بییەبۊ و سەرنویسەریچش ئەحمەد جەمیل پاشا بییەن، ئی ڕۊنامە ئۆرگانی میانی کۊمەڵەی بەرزی وەڵکۆتەوازو کوردی بییەن.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (هەورامی) geschreven, klik op het pictogram
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dit item is 399 keer bekeken
Schrijf uw commentaar over dit item!