کورد دلۍ چەرخەکا تاریخینە
بەشۍ: دوەسەڎ و پەنجاهەمە
نویستەی: #هاوڕێ باخەوان#
ساڵەو (1913. ز):
* ڤالتەر باخمان، ئەچی ساڵېنە نامیلێوەش سەرو مزگییەکا و کڵېساکا کوردەسان و ئەرمەنستانی بە زوانی ئەڵمانی وەڵاکەردۆ.
* ئەچی ساڵېنە، (گراف ڤێستاپ) وتارێ سەربازییەش سەرو ڕاگاکا کوردەسان و ئەرمەنستانی بە زوانی ئەڵمانی وەڵاکەردۆ.
* ئەچی ساڵېنە، ئێڤاڵد بانز نامیلێوەش سەرو بارو جوگرافیاو کوردەسانی و ستراتیژی سەربازی و خوو ڕەوشتو خېڵە کوردەکا بە زوانی ئەڵمانی وەڵاکەردۆ.
* پرۆفیسۆری نەمسایی جە ڤییەڼا (ماکسیمیلیان بیتنەر)، ئەچی ساڵېنە هەر دوە کتېبە پیروزەکەو یەزیدییەکاش بە کوردی و عارەبی و هۊرگېڵنای ئەڵمانی وەڵێ کەردێ، کە چەنەکۊڵیێ زوانەوانی فرە قووڵش سەر نویستېنۍ.
* ئەچی ساڵېنە، کودەتێوە سەربازییە دلۍ تورکیاینە ڕوەشدێنە بە سەرداری جەمال پاشا و ئەنوەر پاشا و تەلعەت پاشای.
* سەرەتاو ئی ساڵېنە، عەبدولڕەزاق بەدرخان کۊمەڵێ کوردیش دلۍ شارو (خوی) بە نامۍ (وان) مەرزنارە، ئی کۊمەڵە ڕۊنامێوەش هەر بە نامۍ (وان) بەرکەرد، بڕێچ ماچان ئا کۊمەڵە نامېش جەهانزانی بییەن.
* ئەچی ساڵېنە، شېخ مەحموڎ بەرزنجی پېوەڼییش بە کوڕانو بەدرخان پاڎشا و حسێن پاڎشای کەرد پەی ڕزگاربییەی جە چېردەسەیی عوسمانییەکا.
* ئەچی ساڵېنە، مەلا جەمیل ڕۆژبەیانی دلۍ شارو کەرکوکی ئامان دنیا.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (هەورامی) geschreven, klik op het pictogram
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dit item is 186 keer bekeken
Schrijf uw commentaar over dit item!