ئاسمان بە قەد من
ئەستێرەکانی خۆش ویستبایە،
هیچ ئەستێرەیەک
دانەدەڕژا.
زەریا بە قەد من
ماسییەکانی خۆش ویستبایە،
هەرگیز دەنووکی ماسیگرەکان
نەدەبووە تابووت.
چیا بە قەد من
بەفری خۆش ویستبا،
یا هەر چوار وەرزان بەفری دەماوە،
یا خۆیشی لەگەڵ ئەوا دەتواوە.
بەڵام داخەکەم
ئاواتم: ئاسمان، زەریا و چیایە
خۆیشم: ئەستێرە و ماسی و بەفرم.[1]
هۆنەر: #مارف ئاغایی#
پەرتووکی: #زەوی سەخت و ئاسمانی دوور#
ساڵی: 1991
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 52 keer bekeken
Schrijf uw commentaar over dit item!