سەرۆکی #حکومەتی هەرێمی کوردستان# بڕیارێکی لە بەرژەوەندی سوودمەندانی پڕۆژەکانی قەرزی بچووک دەرکرد و بڕیاریدا لێخۆشبوون لە ڕێژەی 20%ی کۆی گشتی قەرزی نەگەڕاوە لە چوارچێوەی پڕۆژەکانی پێدانی قەرزی بچووک بکرێت.
ڕۆژی دووشەممە #24-06-2024# وەزارەتی کار و کاروباری کۆمەڵایەتی حکوومەتی هەرێمی کوردستان ڕایگەیاند: لەسەر فەرمانی سەرۆکی حکوومەتی هەرێمی کوردستان #مەسرور بارزانی#، بڕیاری لێخۆشبوون بۆ سوودمەندانی قەرزی بچووک دەردەکرێت.
لە ڕاگەیەنراوەکەی #وەزارەتی کار و کاروباری کۆمەڵایەتی# هاتووە: وەکوو ئاشکرایە، سەرۆکایەتی ئەنجوومەنی وەزیران لە کۆبوونەوەی ئاسایی خۆی لە ڕۆژی چوارشەممە #27-03-2024#، کۆمەڵێک بڕیاری لە بەرژەوەندی هاووڵاتییان دەرکرد، بەڵام سەرەڕای لێخۆشبوون لە هەندێک قەرزی وەکوو ئاو، کارەبا، سزای هاتوچۆ و هتد. لای خۆمانەوە وەکوو وەزارەتی کار و کاروباری کۆمەڵایەتی بۆ خزمەتی سوودمەندانی سندووقی قەرزی بچووک، #کوێستان محەمەد# وەزیری کار و کاروباری کۆمەڵایەتی بەڕێوەبەری سندووقی پشتیووانی پڕۆژە بچووکەکانی ڕاسپارد بە ئامادەکردنی ڕاپۆرتێکی تێر و تەسەل و بەزووترین ماوە بۆ ئەوەی لە کۆبوونەوەکانی داهاتووی ئەنجوومەنی وەزیران پێشکەشی بکات و گفتوگۆی لەبارەوە بکرێت، خۆشبەختانە دوای گەنگەشەکردنی بابەتی لێخۆشبوون لە سوودمەدانی قەرزی بچووک بڕیاری لێخۆشبوون لە ڕێژەی (20%) لە کۆی گشتی قەرزی نەگەڕاوە لە چوارچێوەی پڕۆژەکانی پێدانی قەرزی بچووک دەرکرا.
بەپێی فەرمانەکە کە مەسروور بارزانی، سەرۆکی حکوومەتی هەرێمی کوردستان ئیمزای کردووە، تێیدا هاتووە: بڕیاردرا بە لێخۆشبوون لە ڕێژەی (20%) لە کۆی گشتیی بەرکەوتەکانی قەرزی نەگەڕاوە لە چوارچێوەی قەرزی بچووک.
لە خاڵێکی دیکەی فەرمانەکەدا هاتووە: ڕاسپاردنی وەزارەتی کار و کاروباری کۆمەڵایەتی بۆ بەدواداچوونی دۆسیەی ئەو سوودمەندانەی قەرزی بچووک کە پڕۆژەکانیان سەرکەوتوو نەبووە بە هۆکاری بەدەر لە ویست و ئیرادەی خۆیان، بۆ ئەوەی دواتر بڕیاری پێویستیان لەبارەوە بدرێت.
هەروەها لە خاڵی سێیەم و چوارەمدا هاتووە: وەزارەتی کار و کاروباری کۆمەڵایەتی بە هەماهەنگی #وەزارەتی دارایی و ئابووری#، ڕێنمایی پێویست بۆ ئاسانکاریی جێبەجێکردنی بڕیاری لێخۆشبوونەکە دەردەکات و هەموو وەزارەت و لایەنە پەیوەندیدارەکانیش بە جێبەجێ کردنی ئەو فەرمانە پابەند کراون. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 61 keer bekeken
Schrijf uw commentaar over dit item!