لەنێو یاریگە و هاندەرانی خۆی دا، لاوانی پێشمەرگە توانیان سەرکەوتنێکی گرنگ بەدەست بهێنن.
کاتژمێر 3:00 ی پاش نیوەڕۆی ڕۆژی شەممە #09-03-2024# و لەسەر یاریگەی فەرماندەیی تایبەت بە یانەکەی، تیمی تۆپی پێی لاوانی #یانەی وەرزشی پێشمەرگەی سلێمانی# میوانداریان لە لاوانی #یانەی وەرزشێ زاخۆ#ی دەلال کرد.
ئەو یارییە لە جەولەی سێیەمی خولی پیشەگەرانی ئێراق بوو تێیدا و لە سەرەتاوە کوڕانی پێشمەرگە توانیان بە ئاستێکی بەرز ببینرێن و چەندین هێرشی یەک لە دوای یەکیان بۆ سەر تۆڕی گۆڵی یانەی میوان کرد بەڵام بەهۆی بەهێزی هێڵی بەرگری و گۆڵپارێزی یانەی زاخۆ نەیان توانی سوود لەو هەلانە ببینن، ئەمە و لەگەڵ کۆتاهاتنی گێمی یەکەمی یارییەکە بە خاوێنی و بە بێ گۆڵ بۆ هەردوو لا لە گێمی دووەمدا و لەگەڵ گۆڕانکارییەکانی #سۆران سەلیم#ی ڕاهێنەری لاوە پێشمەرگەکان لە شێوازی یاریکردنیان توانیان لە خولەکی 67 و لە ڕێگەی یاریزان (سامی سەعید)ەوە گۆڵی یەکەم و پێشکەوتن و بردنەوە تۆمار بکەن.
جێگەی وەبیرهێنانەوەیە پێشمەرگە لە یەکەم یاری و لە دەرەوەی یاریگەکەی دا توانی شکست بە لاوانی #دهۆک# بهێنێت و هەروەک لە جەولەی دووەمی یارییەکان پشووی بوو، دواجار و لە جەولەی سێیەمدا شێر ئاسا بە بردنەوەیان لەنێو یاریگەکەیاندا دووەم سێ خاڵیان بەدەست هێنا و کۆی خاڵەکانیان بۆ شەش خاڵ بەرز کردەوە.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 71 keer bekeken
Schrijf uw commentaar over dit item!